Astana qalasy prokýratýrasynyń úılestirýimen polısııa organdary men jergilikti atqarýshy organdar vandalızmmen kúres jumystaryn jalǵastyryp keledi. Osy jyldyń basynan beri bótenniń múlkin qasaqana búldirý nemese joıý áreketteri úshin 20 adam ákimshilik jaýapkershilikke tartyldy. Onyń ishinde 13 adam qamaqqa alynsa, 7 adamǵa jalpy somasy 1,3 mln teńge aıyppul salynǵan, dep habarlaıdy Egemen.kz.
Mysaly, 14 aqpanda astanalyq turǵyn bala arbasyn qasaqana zaqymdaǵany úshin sot sheshimimen 20 táýlikke qamaýǵa alyndy. Bul áreketi arqyly ol 30 myń teńgege shyǵyn keltirgen. Taǵy bir jaǵdaıda 44 jastaǵy er adam mas kúıinde kafe esiginiń áınegin syndyrǵany úshin 5 táýlikke qamaldy.
«Aqyldy» kameralar quryǵy: 12 naýryzdan bastap aıyppuldar avtomatty túrde jazylady
Sonymen qatar, 11 qańtarda 21 jastaǵy astanalyq azamat «Toyota» avtokóliginiń aldyńǵy esigin qasaqana zaqymdaǵany úshin 50 AEK mólsherinde aıyppul tóledi.
Prokýratýra elorda turǵyndary men qonaqtaryna qoǵamdyq oryndarda usaq buzaqylyq jasaý, aınalasyndaǵylarǵa dórekilik kórsetý jáne qoǵamdyq tártipti buzatyn basqa da zańsyz áreketter 30 táýlikke deıingi ákimshilik qamaq túrindegi jazaǵa tartylýy múmkin ekenin eskertti.
Aıyppul ósse de adam ólimi azaımaı tur? Sarapshy ne deıdi?