Premer-mınıstr Oljas Bektenov Eýrazııalyq damý banki basqarma tóraǵasy Nıkolaı Podgýzovpen kezdesti. Kezdesýde ekonomıkanyń basym salalaryndaǵy jobalardy iske asyrý jáne ınvestısııalyq yntymaqtastyqty keńeıtý máseleleri qaraldy, dep habarlaıdy Egemen.kz.
Eýrazııalyq damý banki portfelinde jalpy quny 19,6 mlrd dollardy quraıtyn 326 joba bar.
2022-2026 jyldary bank qatysýshy elderge 9 mlrd dollar ınvestısııa saldy. Sonyń 5,2 mlrd dollary Qazaqstanǵa tıesili. Bul – banktiń aldyńǵy 15 jyldaǵy ınvestısııa kólemimen teń.
Sońǵy tórt jylda Qazaqstan ekonomıkasyna jyl saıyn 1 mlrd dollardan astam qarjy quıyldy. 2025 jyly bul kórsetkish 1,5 mlrd dollarǵa jetti. Qazir banktiń ınvestısııalyq portfelindegi Qazaqstannyń úlesi 64,9%-dy quraıdy.
Banktiń elimizge salǵan ınvestısııalary negizgi sektorlar boıynsha bólingen:
Shamamen 2,1 mlrd dollar – ónerkásipti damytýǵa; 1 mlrd dollar – energetıkaǵa; 1 mlrd dollar – kólik ınfraqurylymyna; 1 mlrd dollar– qarjy sektoryna baǵyttalǵan.Qarjylandyrylǵan mańyzdy jobalar:
«Sılleno» gaz óńdeý zaýyty; Atyraý oblysyndaǵy KPI gaz-hımııa kesheni; Taý-ken metallýrgııa kásiporyndaryn jańǵyrtý; Qaraǵandy, Almaty, Aqtóbe qalalaryndaǵy JEO-lardy qaıta jańartý.Bank dástúrli jáne jańartylatyn energetıkany qatar qoldaıdy. Qazaqstanda óndiriletin árbir segizinshi kılovatt elektr energııasy bank qatysqan jobalarǵa tıesili. Jobalar Qaraǵandy, Túrkistan, Aqmola oblystarynda júzege asyp jatyr.
Kólik salasynda «Qazaqstan temir joly» ulttyq kompanııasy Qazaqstan temir joly úshin lokomotıvter men júk vagondaryn jetkizý jáne avtomobıl joldaryn rekonstrýksııalaý boıynsha jobalar qarjylandyryldy.
Sıfrlyq bastamalar qory arqyly jasandy ıntellekt pen sıfrlyq platformalardy damytý jobalaryna qoldaý kórsetiledi.
Oljas Bektenov: Azamattardyń tabysyn arttyrýǵa basa nazar aýdarylady
Bıyl bank óńdeý ónerkásibi men taý-ken sektoryndaǵy iri jobalardy qarjylandyrýdy jalǵastyrady.
Naqty jobalar:
О́skemen JEO-syn jańǵyrtý – jylýmen qamtý senimdiligin arttyrý;
Túrkistan jáne Qyzylorda oblystarynda eki kún elektr stansasyn salý;
Telekommýnıkasııa ınfraqurylymyn keńeıtý;
О́nerkásipte óndiristi ulǵaıtyp, jańa jumys oryndaryn ashý.
Nıkolaı Podgýzov bank Qazaqstan ekonomıkasynyń turaqty damýyna jáne halyqtyń ómir sapasyn arttyrýǵa qoldaý kórsetýge daıyn ekenin aıtty. Ol eldegi Konstıtýsııalyq reformalar ınvestısııalyq ahýaldy jaqsartýǵa yqpal etetinin atap ótti.
Premer-mınıstr memlekettiń aǵymdaǵy basymdyqtaryna sáıkes keletin bazalyq ınfraqurylymdy damytýǵa ınvestısııa salýdyń mańyzdylyǵyn atap ótti. Sondaı-aq sıfrlandyrý baǵytynda birlesken jobalardy keńeıtýge áleýet joǵary ekenin atap ótti.
Kezdesý qorytyndysynda áriptestikti nyǵaıtý jáne ınvestısııalyq yntymaqtastyqty keńeıtý Qazaqstan ekonomıkasynyń turaqty damýy úshin mańyzdy ekeni aıtyldy.
Jańa Konstıtýsııa – ornyqty ekonomıkalyq ósimniń irgetasy: Oljas Bektenov Investısııalyq ahýal jónindegi keńes ótkizdi