Aqmola oblysynda gaz jarylysynan zardap shekkender men qaza bolǵandardyń otbasylaryna birjolǵy materıaldyq kómek kórsetiledi. Bul týraly Býrabaı aýdanynyń ákimi Araı Sadyqov málimdedi, dep habarlaıdy Egemen.kz.
«Qaza bolǵandardyń otbasylaryna – árqaısyna 2 mln teńge, zardap shekkenderge – 1 mln teńgeden tólenedi. Ákimdik jerleý rásimderin uıymdastyrýdaǵy barlyq máselelerdi óz moınyna aldy», dedi A. Sadyqov.
Jarylys 27 aqpan túnde Shýchınsktegi «Palaý ortalyǵy» kafesinde, bes qabatty turǵyn úıge japsarlasa ornalasqan ǵımaratta boldy. Oqıǵa saldarynan 7 adam qaza tapty. Onyń altaýy dámhana qyzmetkeri, bir adam qyzmetkerdiń 16 jastaǵy qyzy bolyp shyqty. 28 adam zardap shekti, olardyń 13-i ártúrli dárejedegi kúıiktermen aýrýhanaǵa jatqyzyldy.
Oqıǵa boıynsha jedel shtab qurylyp, polısııa qylmystyq is qozǵady.
Shýchınsktegi jarylys: Zardap shekkenderdiń jaǵdaıy belgili boldy