Qaraǵandy oblysynyń qutqarýshysy Qostanaı qalasynda Qazaqstan Respýblıkasynyń gir tasyn kóterý boıynsha el chempıonatynda rekordyn jańartty, dep habarlaıdy Egemen.kz.
Naqtyraq aıtsaq, Qaraǵandy oblysy Tótenshe jaǵdaılar departamentiniń qyzmetkeri Aleksandr Komarov 85 kelige deıingi salmaq dárejesinde 78 ret gir tasyn kóterip, chempıonattyń úzdik nátıjesin kórsetip, birinshi oryndy ıelendi.
– Qaraǵandy oblysynyń qurama komandasy sapynda estafetaǵa qatysa otyryp, taǵy bir joǵary nátıje tirkedim – úsh mınýt ishinde salmaǵy 32 keli bolatyn eki girdi 43 ret kóterip, Qazaqstannyń jańa rekordyn ornattym, – deıdi jerlesimiz.
Qaraǵandy oblysynda Sý-30SM joıǵysh ushaǵy apatqa ushyrady
Aleksandr Komarov – gir sportynan halyqaralyq dárejedegi sport sheberi, stýdentter arasyndaǵy álem chempıony, kásipqoılar arasyndaǵy álem chempıonattarynyń birneshe dúrkin júldegeri, Eýropa chempıony jáne Qazaqstan Respýblıkasynyń birneshe dúrkin chempıony. Sondaı-aq ol 2024 jyly Grekııada ótken gir sporty boıynsha álem chempıonatynda altyn medal jeńip alǵan.
Qaraǵandydaǵy taý-ken kásipornyna 4 mln teńge aıyppul salyndy
Qaraǵandy oblysy