Vedomstvo kúdiktiniń Qylmystyq kodekstiń 99-baby 2-bóligi boıynsha kúdikke alynǵanyn jáne onymen birge buǵan deıin habar-osharsyz ketti dep halyqaralyq izdeýge jarııalanǵan burynǵy jubaıy da anyqtaldy.
Eske salaıyq, Atyraý oblysyndaǵy Jangeldın aýylynyń turǵyndaryn óltirý deregi boıynsha is qozǵalyp, kúdiktilerge halyqaralyq izdeý jarııalanǵan bolatyn. 25 jeltoqsannan habar-osharsyz joǵalyp ketken bir otbasynyń tórt múshesine qatysty qylmystyq isti tergeý jumystary jalǵasyp, otbasy músheleriniń telefony sońǵy ret Shymkentten sıgnal bergen. Keıinnen balalarymen joǵalyp ketken erli-zaıyptynyń múrdesi úıiniń aýlasyndaǵy saraıdan tabylǵan edi. Al izdeý jarııalanǵan atyraýlyq kúdiktiniń 5 balasy memleket qaraýyna alyndy. Ishki ister mınıstrligi 24 aqpan kúni Atyraýdaǵy erli-zaıyptynyń ólimine kúdiktilerdiń Indonezııada ustalǵanyn habarlady.