Shymkentte sabaq úlgerimin jaqsartqysy kelgen stýdentter alaıaqtarǵa aldanyp qalǵan. Eki kúdikti 2025 jyldyń qazan aıynan bastap TikTok áleýmettik jelisi arqyly stýdentterdiń paraqshalaryn taýyp, arnaıy bottardyń kómegimen olardyń uıaly telefon nómiri men jeke málimetterin jınaǵan, dep habarlaıdy Egemen.kz.
Keıin oqý ornynyń portal júıesi arqyly stýdentterdiń úlgerimin tekserip, keıbiriniń synaqtardan jetkiliksiz ball jınaǵanyn anyqtaǵan.
Astanada TikTok jelisindegi jalǵan «emshige» sot úkimi shyqty
Kúdiktiler stýdentterge ýaqytsha nómirler arqyly messendjerde habarlasyp, ózin ýnıversıtet qyzmetkeri retinde tanystyrǵan. Olar stýdentterge synaqtan ótý úshin bir ball jetispeıtinin, akademııalyq qaryz nemese emtıhanǵa jiberilmeý qaýpi bar ekenin aıtyp, máseleni sheship berýge jáne baǵalardy túzetýge usynys jasaǵan.
«Kúdiktiler ár stýdentten bul jalǵan qyzmet úshin 70-80 myń teńge alyp, keıin habarsyz ketken. Qazirgi tańda alaıaqtardyń alty epızodqa qatysy bar ekeni anyqtalyp, tergeý amaldary júrgizilip jatyr», delingen Shymkent qalasynyń PD baspasóz qyzmetiniń málimdemesinde.
Aram aqshaǵa qunyqqan alaıaq alty jylǵa sottaldy