«Samuryq-Qazyna» qory qyzmetkerleriniń 10%-yn qysqartady. Bul sheshim Qazaqstan Prezıdenti Qasym-Jomart Toqaevtyń kvazımemlekettik sektordaǵy kadrlyq qurylymdy qaıta qaraý jáne tıimdilikti arttyrý qajettigi jónindegi usynystaryna sáıkes qabyldandy, dep habarlaıdy Egemen.kz.
Qordyń basqarma tóraǵasy Nurlan Jaqypov málimdegendeı, qysqartýlar tek ákimshilik-basqarýshylyq qyzmetkerlerdi qamtıtyn bolady. Barlyq korporatıvtik sheshimder qabyldanyp, eńbek zańnamasyna sáıkes júzege asady.
Ol bul sharalar naýryz aıynyń sońyna deıin tolyq iske asyrylatynyn atap ótti.
«Qysqartýlar tek Astanadaǵy ákimshilik-basqarý bólimderine qatysty bolady, óndiristik qurylymǵa áser etpeıdi. Astanadaǵy qor qyzmetkerleriniń jalpy sany 6,5 myń adam, sondyqtan shamamen 650 adam qysqartylady», dedi Nurlan Jaqypov.
Buǵan deıin Prezıdent Qasym-Jomart Toqaev keńeıtilgen Úkimet otyrysynda keıbir kompanııalarda basqarýshylyq kadrlardyń shamadan tys kóptigin eskerip, qurylymdy qaıta qaraýdy tapsyrǵan edi.
Toqaev Ulttyq bank Tóraǵasynyń orynbasaryn laýazymynan bosatty