Ońtústik Qazaqstan oblysynda iri jol-kólik oqıǵasy oryn aldy. Saldarynan 6 adam qaza taýyp, 15 jolaýshy túrli dene jaraqatymen aýrýhanaǵa jetkizildi.
Jol apaty Almaty-Tashkent tasjolynyń boıyndaǵy Qazyǵurt aýdanynyń mańynda bolǵan. Kýágerlerdiń aıtýynsha, «Ford-tranzıt» markaly jolaýshylar tasymaldaıtyn shaǵyn avtobýs pen «Toıota» kóligi soqtyǵysqan.
Qazirgi tańda polıseıler oqıǵanyń anyq-qanyǵyn zertteýde. Aldyn ala boljam boıynsha, shaǵyn avtobýs qarama-qarsy baǵytqa shyǵyp ketken bolýy múmkin. Qaza tapqandardyń ishinde 2013 jyly týǵan búldirshin bar.
Talǵat RAIYMBEK