Qyrǵyzstan prezıdenti Almazbek Atambaev qysqa merzimdegi demalysqa shyqty. Bul týraly TASS aqparat agenttigine silteme jasap Egemen-aqparat habarlady.
Atalǵan derekke súıensek, qyrǵyz eliniń basshysy demalys barysynda tolyq dárigerlik tekserýden ótedi. Prezıdenttiń baspasóz qyzmeti: «A. Atambaevtyń densaýlyǵyna tónip turǵan eshbir qaýip joq», dep habarlaıdy.
Aıta keteıik, Qyrǵyzstan prezıdenti keshe BUU Bas Assambleıasynyń 71-shi sessııasyna qatysý úshin Nıý-Iorkqa ushqan bolatyn. Alaıda, jarty jolda ol ózin jaısyz sezinip, keýde tusynyń aýyrǵanyna baılanysty issapardy jalǵastyra almady. Bul jóninde keshe qyrǵyz prezıdentiniń apparaty habarlaǵan-dy.
Memleket basshysy 1 qazanda jumysqa shyǵady.
Egemen-aqparat