Álemniń 132 elinen arnaıy kelgen oıynshylar «Jaılaý» golf keshenine jınalyp, tanysý rásimin ótkizedi. Al, negizgi oıyndar 29 qyrkúıek pen 2 qazan aralyǵynda ótedi.
Qazir álemde golf oıyndary buqaralyq sıpat alyp keledi. Olımpıada oıyndarynyń sanatyna qosyldy. Bıyl tuńǵysh ret Rıoda golften álem chempıony anyqtaldy. Osymen on ekinshi ret halyqaralyq týrnır ótkizip otyrǵan elimizde golf oıyndarynyń damýy jańa kezeńge ótkenin atap ótýge turady. Qazaqstan Golf federasııasynyń prezıdenti Nurtaı Ábiqaevtyń tikeleı tapsyrmasy boıynsha barlyq aımaqta bólimsheler qurylyp jatyr eken. Astana, Aqtaý, Qaraǵandy, Shymkent, Qostanaı jáne Taldyqorǵanda jumys bastalypty.
Erteńgi týrnırde elimizdiń namysyn Nurtaı Saldarov pen Zııat Seıilbekovter áýesqoı golfshi retinde qorǵaıtyn bolsa, kásipqoı sheberlerdiń qatarynda Aleksandr Vongaı jasyl qyrat ústinde oıyn bastaıdy.
Qalmahanbet Muqametqalı, Almaty.