Kaddafıdiń uly oppozısııa jaǵynda ma?

Irannyń PressTV telearnasy Lıvııa lıderi Mýammar Kad­dafıdiń uly Saıf ál-Arab oppozısıonerlerge qosyldy degen aq­parat taratty. Atalǵan telearnanyń derekterine qa­raǵanda, ákesi ulyna kúsh qurylymdarynyń oppozısııa ja­ǵyna ótýin boldyrmaý jóninde tapsyrma bergen kórinedi. Biraq uly qarsylyq aksııasyna qatysýshylar jaǵyna shyǵyp ketkenge uqsaıdy. Sondaı-aq ol ákesi bılikte qalýyna tikeleı qa­ter tóngen jaǵdaıda ózine ózi qol salý nemese Ońtústik Amerıkaǵa qashý múmkindigin qarastyratynyn jarııa etken. Al bas­qa aqparat kózderinen ál-Arabtyń oppozısııa jaǵyna ótkeni týraly málimet taraǵan joq. ALJIR TО́TENShE JAǴDAI REJIMIN ALDY Aljırde 19 jyl boıy kúshinde bolǵan tótenshe jaǵdaı rejimi alynyp tas­tal­dy. Bul el qarýly kúshteriniń ishki qa­ýip­sizdik máselelerine aralasýy aıtar­lyq­taı shekteletinin bildiredi. Aljır basshylyǵy tótenshe jaǵdaı aly­nyp tastalǵanymen, terrorlyq uıymdarmen kúres jal­ǵa­sa­ty­nyn aıtyp otyr. Tótenshe jaǵdaı rejimi Aljırde 1991 jyl­ǵy saı­laý­da ıslamıster jeńiske jetkenimen, onyń nátıjeleri esepke alyn­baı tastalǵannan keıin engizilgen edi. Ol ıslamıster men zaıyrly memleket jaqtastary arasynda janjal beleń alǵan­dyqtan, azamattardyń quqyqtary men bostandyqtaryn shekteı turýdy qarastyrǵan bolatyn. Biraq tótenshe jaǵdaıdyń 19 jyl­ǵa sozylatynyn sol kezde eshkim de boljamaǵan shyǵar. KÝBA DISSIDENTI ÚShINShI MÁRTE BOSATYLDY Kýba polısııasy úkimetke qarsy uran kótergen dıssıdent Gılermo Farınıasty bir aı ishinde úsh ret tutqyndap, sonsha ret bostandyqqa shyǵardy. Ol sońǵy ret 23 aqpanda qamaýǵa alynǵan bolatyn. Farınıastyń jalǵyzilikti aksııasy kýbalyq saıası tutqyn Orlando Sapatanyń qaza bolǵanynyń  bir jyldyǵyna arnalǵan-tyn. Ol ótken jyldyń 23 aqpanynda 85 kúnge sozylǵan ashtyqtan soń kóz jumǵan edi. Kýbanyń adam quqyǵy jónindegi komıssııasynyń málimetterine qaraǵanda, sol kúni búkil el boıynsha 183 adam ustalǵan. Olardyń 65-i áli qamaýda otyr eken. Pákstan jasaǵynyń koalısııaǵa qastandyǵy Qarýly jasaqtardyń Pákstannyń sol­tústik-shy­ǵysyndaǵy tıeý termı­na­lyna shabýyly barysynda NATO-nyń 12 janar maı tasıtyn júk kóligi joıylyp jiberilgen. Oqıǵa saldarynan tórt adam kóz jumsa, altaýy dene jaraqattaryn alǵan. Shabýylǵa 25 qarýly jasaq qatyssa, olar 18 avtokóliktiń 12-sine ýaqytpen jarylatyn bomba ornatqan eken. Sıs­ter­na­lar­daǵy otyn Aýǵanstandaǵy koalısııalyq áskerlerge arna­lypty. Ázirshe eshbir terrorlyq uıym jarylysqa jaýapkershilikti óz mo­ıyndaryna ala qoıǵan joq. QYRǴYZ AZAMATYN О́LTIRGEN KEShIRILDI 2006 jyly Manas áýejaıynda ornalasqan AQSh-tyń avıa­bazasynda Qyrǵyzstan azamatyn atyp óltirgen ame­rıkalyq ás­kerı qyzmetshi Zakarı Hetfıld resmı túrde kináli emes dep ta­nyldy. Bul jóninde avıabazanyń bastyǵy Dýaıt Soýnz habarlady. Soýnzdyń sózine qaraǵanda, AQSh-ta tergeý jumystary júr­gizilip, sot bolyp ótken. Onyń barysynda sýdıalar Het­fıldtiń kinásine aıǵaqtyń jetkiliksizdigin kóldeneń tartyp, ony aqtap alyp qana qoımaı, amerıkalyq soldattyń qarýdy oryndy qol­danǵanyn atap kórsetken. Al qyrǵyz jaǵynyń ustanymy buǵan múldem qarama-qaıshy. LITVANYŃ TÁÝELSIZDIGIN SAÝDAǴA SALǴAN KSRO-nyń burynǵy prezıdenti Mıhaıl Gorbachev Shvesııanyń bas konsýly Dag Sebas­tıan Alanderdiń 1990 jyly Keńes Odaǵy Lıtva táýelsizdigi úshin respýblıkadan  Klaıpedany bólip alyp, qosymsha 21 mıl­lıard rýbl talap etkeni týraly qu­pııa málimetin teriske shyǵardy. M.Gorbachev sol jyldary Lıtvanyń shyn máninde KSRO quramynan shyqqysy kelgenin moıyndaı otyryp, qupııa aqpardy tym erkin ásireleýshilik dep baǵalady. «Atalǵan másele boıynsha eshqandaı saýda bolǵan joq», dedi ol qupııa málimetke oraı. Biraq, jel bolmasa, shóptiń basy qımyldamaıtyny belgili jáıt emes pe?! AQSh-tyń BAS ÁSKERII BAHREINGE KELDI AQSh shtabtar bastyǵy birlesken komıtetiniń tóraǵasy Maık Mallen aqpan aıynyń ortasynan bastap úkimetke qar­sy narazylyq aksııalary ótken Bahreınge atbasyn tiredi. Áýe­jaı basynda ol jýrnalısterge Bahreın AQSh-tyń óńir­degi sheshýshi odaqtastarynyń biri bolǵanyn jáne bolyp qala beretinin málimdedi. Sapary barysynda Mallen Bahreın koroli Hamad ben Isa ál-Halıfamen jáne taq murageri Salmanmen kezdesti. AQSh-tyń bas áskerıiniń Bahreınge sapary onyń Taıaý Shyǵys elderine týrnesi sheńberinde bolyp ótti. Buǵan deıin Mallen Saýd Arabııasynda, Katarda jáne Omanda aıaldaǵan edi. Qysqa qaıyryp aıtqanda: • Shveısarııa basshylyǵy Lıvııa basshysy Mýammar Kaddafıdiń barlyq esep-shottary men aktıvterine tosqaýyl qoıý týraly buıryq shyǵardy. Shveısarııa Kaddafıdiń narazylyq aksııasyna qatysýshylarǵa kúsh qoldanǵanyn jazǵyryp otyr. • Jańa Zelandııada bolǵan jer silkinisinen qaza tapqandar sany sońǵy derek boıynsha 110 adamǵa jetken. 200 adam joǵalyp ketkender sanatynda. Búginde bul elde qırandylardyń astynda tiri qalǵandar joq deýge bolady. • AQSh-ta kishi Djordj Býshtyń úıin jaryp jiberýdi josparlaǵan Saýd Arabııasynyń azamaty tut­qyn­dalǵan. 20 jastaǵy Halıd Álim Áldavsarı Qurama Shtattarǵa 2008 jyly stýdenttik vıza boıynsha kelgen kórinedi. • Sankt-Peterbýrgte 92 jasqa qaraǵan shaǵynda Reseıdiń strategııalyq atom súńgýir qaıyqtarynyń bas kons­trýk­tory Sergeı Kovalev ómirden ótti. Onyń jobasy bo­ıynsha barlyǵy 92 súńgýir qaıyq jasalǵan eken.

Internet materıaldary negizinde ázirlendi.