Bıylǵy jylǵy 30 qazanda elimizdiń 30 saılaý okrýginde ótetin máslıhattardyń shyǵyp qalǵan depýtattarynyń ornyna saılaýda kandıdattardy usyný aıaqtaldy.
Ortalyq saılaý komıssııasynan alynǵan aqparatqa qaraǵanda, saılaý naýqany barysynda 101 kandıdat usynyldy, olardyń 31-in saıası partııalar, 70-si ózin-ózi usynyp otyr. Usynylǵan kandıdattardyń 83-i er adam, 18-i áıel. Olardyń ishinde 31 kandıdat Qazaqstan Respýblıkasyndaǵy saıası partııalardyń múshesi bolyp tabylady, 50-i partııa qatarynda joq, 20-sy partııaǵa tıesiligin kórsetpegen.
Kandıdattardyń ishinde 6 ulttyń ókili bar, ortasha jasy – 41 jas. Sondaı-aq, 84 kandıdattyń joǵary bilimi, 12-siniń orta kásiptik bilimi jáne 5-eýiniń orta bilimi bar. Kandıdattardyń 43,6 paıyzy – memlekettik mekemelerde, uıymdarda jáne kásiporyndarda, 41,6 paıyzy kommersııalyq qurylymdarda jumys isteıdi, 12,8 paıyzy – saıası partııalar men ÚEU-nyń qyzmetkerleri, 2 paıyzy – jumyspen qamtýdyń ózge toptarynyń ókilderi.
Qazirgi kezde máslıhattardyń shyǵyp qalǵan depýtattarynyń ornyna kandıdattardy tirkeý jalǵasýda. Aqtóbe, Shyǵys Qazaqstan, Qaraǵandy, Qostanaı, Pavlodar, Soltústik Qazaqstan jáne Ońtústik Qazaqstan oblystarynda tirkeý 4 qazanda, al Almaty, Jambyl jáne Batys Qazaqstan oblystarynda 5 qazanda aıaqtalady.
Birinshi qazan kúngi jaǵdaı boıynsha okrýgtik saılaý komıssııalary 87 kandıdatty tirkedi. Tirkeý merzimi aıaqtalǵan soń, tirkelgen barlyq kandıdattar 28 qazan kúngi saǵat 24.00-ge deıin júretin saılaýaldy úgitke kirisedi. Al 15 qazannan bastap saılaý bolatyn okrýgterdiń saılaýshylary ýchaskelik saılaý komıssııalarynyń úı-jaılarynda saılaýshylar tizimderimen tanysyp, olardaǵy ózi týraly málimetterdi tekserip jáne onda jiberilgen dálsizdekterdi anyqtaǵan jaǵdaıda, túzetýler engize alady. Saılaý naýqany qajetti qarjylyq jáne materıaldyq-tehnıkalyq resýrstarmen qamtamasyz etilgen jáne saılaý zańnamasynyń normalaryna sáıkes ótýde. Ortalyq saılaý komıssııasyna shaǵymdar men ótinishter kelip túsken joq.
Álısultan QULANBAI,
«Egemen Qazaqstan»