Semeıde «Atameken» degen atpen án baıqaýynyń ótkizilip kele jatqanyna, mine, tórt-bes jyldyń júzi boldy. Alty men on jeti jas aralyǵyndaǵy jetkinshekter qatysqan sol dástúrli án baıqaýy bul joly el Táýelsizdiginiń jıyrma jyldyǵyna arnaldy.
Baıqaýǵa qyryqtan astam jas talant qatysty. Olardyń arasynda qalaǵa qarasty aýyl ónerpazdary da kóp boldy. Baıqaý barysynda otandyq sazgerlerdiń Otan, týǵan jer, el qorǵaǵan qaharmandar men halyq súıispenshiligine bólengen el ardaqtylary týraly patrıottyq rýhtaǵy ánderi molynan oryndaldy.
Baıqaý jeńimpazdary arnaıy dıplomdar jáne baǵaly syılyqtarmen marapattaldy. El Táýelsizdiginiń jıyrma jyldyǵyna arnalǵan óner saıysy belgili sazger Eskendir Hasanǵalıevtiń «Atameken» ánimen qorytyndylandy. Qoǵamymyz ulttyq ıdeologııaǵa sýsap otyrǵan shaqta Táýelsizdik merekesine oraı osyndaı keshterdiń kóptep ótkizile bastaǵany qýantady.
Dáýlet SEISENULY.
Semeı.