BUU Bas hatshysy laýazymy úshin básekede Portýgalııanyń burynǵy premer-mınıstri Antonıý Gýterresh negizgi favorıt bolyp otyr. VVS habaryna qaraǵanda, sársenbi kúni ótken daýys berý kezinde Qaýipsizdik keńesine múshe 15 el ókilderiniń eshqaısysy Gýterreshtiń kandıdatýrasyna qarsy bolmaǵan. 13 adam qoldap, ekeýi qalys qalǵan.
Qazannyń 6-sy kúni Qaýipsizdik keńesi portýgalııalyq saıasatkerdi BUU Bas hatshysy qyzmetine usynýy tıis. Otyrys jabyq túrde ótedi. Bas hatshy saılanýy úshin Gýterresh keńeske múshe elderdiń keminde toǵyzynyń daýysyn ıelenýi kerek. Jáne veto quqyǵy bar elderdiń eshbiriniń qarsy daýysyn almaýy qajet.
Kandıdatýrany BUU Bas assambleıasy bekitedi.
Egemen-aqparat