Jaqynda HHVIII Dúnıejúzilik qysqy Ýnıversıada dıreksııasynyń basshysy Naıl Nýrov Mılan qalasynda bolyp keldi. Almaty delegasııasy halyqaralyq stýdentter jarysyn uıymdastyrý máseleleri boıynsha 2013 jylǵy qysqy Ýnıversıadany uıymdastyrý komıtetiniń bas hatshysy Fılıppo Bazzanellamen kezdesti. Sol jylǵy qysqy Ýnıversıada Italııanyń Trento qalasynda ótken edi. Jarysqa álemniń 700 ýnıversıtetiniń ókilderi qatysqan. 51 elden bir myń jeti júzdeı stýdent 12 sport túri boıynsha saıysqa túsken. Oıyndar Trentonyń 12 provınsııasynda ótken. Osy Trento Ýnıversıadasy qysqy sport tarıhyna eń az qarjy jumsalǵan doda retinde de engen. Oıynnyń bıýdjeti bar bolǵany 5 mln 125 myń eýrony qurapty.
Dál qazirgideı ekonomıkalyq daǵdarys jaǵdaıynda Almaty Ýnıversıadasyn ótkizý kezinde memleket qarjysyn tıimdi paıdalanýdyń talaby zor. Demek, bizge ıtalııalyqtardan úırenerlik úlgi bar.
Ekijaqty kezdesýde Almatydaǵy Ýnıversıadaǵa daıyndyq Halyqaralyq stýdentter sporty federasııasynyń barlyq talaby boıynsha joǵary deńgeıde ótip jatqanyn aıtty.
– Qazaqstannyń FISU tarıhyndaǵy eń úzdik Ýnıversıadany ótkizetinine senimdimin. Almatydaǵy qysqy Ýnıversıadany ótkizý jolynda kásibı mamandardan quralǵan top jumys istep jatyr. Bul jarys sizderdiń qalalaryńyzda stýdentter sporttyń damýyna serpin beretinine senimdimin, – dedi Fılıppo Bazzanella.
Al «HHVIII qysqy Ýnıversıada oıyndaryn uıymdastyrý dıreksııasynyń» basshysy Naıl Nýrov Mılanǵa jasaǵan sapar barysyn qorytyndylaı kelip:
– Ýnıversıadany uıymdastyrý komıteti úshin Trentonyń tájirıbesi óte mańyzdy. Ásirese, shyǵyndy tıimdi jumsaýyn úlgi etýimiz kerek. Aqshany únemdep-aq jarysty joǵary deńgeıde ótkizýge bolady. Osy oraıda, Trentonyń tájirıbesi bizderge jolbasshy bolady, – degendi aıtty.
Qalmahanbet MUQAMETQALI,
«Egemen Qazaqstan»
ALMATY