Taldyqorǵan qalasynda Paralımpıadanyń kúmis júldegeri Raýshan Qoıshybaevaǵa jeńil avtokólik syıǵa berildi.
Rıo-de-Janeıroda ótken Paralımpıada oıyndarynyń kúmis júldegerin arnaıy qabyldaǵan Almaty oblysynyń ákimi Amandyq Batalov oǵan jeńil avtokólik pen 11,5 mln. teńgeniń sertıfıkatyn tabys etti. Sóıtip, oblys ortalyǵyndaǵy «Jastar» saıabaǵynda ótkizilgen saltanatty shara aıasynda sportshyǵa qurmet kórsetti.
Kúmis júldeli sportshynyń rýhyn kótergen keshtiń sheńberinde Paralımpııa oıyndarynda 7-orynnan kóringen Gúlbaný Ábdihalyqovaǵa da qoshemet kórsetildi. Aımaq basshysy oǵan 1,5 mln. teńgeniń sertıfıkatyn tapsyrdy. Sońynda eldiń atyn jaqsy jetistikterimen shyǵarǵan sportshylardyń jattyqtyrýshylaryna da syı-sııapat jasaldy.
Nurbol ÁLDIBAEV,
«Egemen Qazaqstan»
Almaty oblysy