Qoǵamǵa tónip otyrǵan qaýiptiń biri – maskúnemdik. Qazirgi tańda mas kúıinde kólik rólin tizgindep, sonyń saldarynan jan túrshigerlik jol-kólik oqıǵasyna sebepker bolyp jatqan oqıǵalar qatary tolastar emes.
Jambyl oblystyq narkologııalyq dıspanseriniń saraptama kabınetinde jyl basynan beri kólikti mas kúıinde basqarǵan 1412 júrgizýshi medısınalyq kýálandyrýdan ótip, 287-si mas kúıde bolǵany anyqtaldy. Onyń 250-i kólikti alkogoldi ishimdik iship alyp basqarǵan, al, 37-si esirtki qoldanǵan. О́tken jyly barlyǵy 2696 júrgizýshi medısınalyq kýálandyrýdan ótkizilip, onyń ishinde 743 azamat mas kúıinde kólik róline otyrǵany, olardyń 653-i alkogoldi ishimdik ishkeni, al 90 júrgizýshi esirtki qoldanǵany anyqtalǵan bolatyn. Sonda ortasha eseppen sanaǵanda kún saıyn alkogol iship nemese esirtkige eltip, kólik basqaratyn 2 júrgizýshi ustalady eken. Bul árıne, óte qorqynyshty jaǵdaı. Osydan keıin eshkim kóshede ózin qaýipsiz sezine almaıdy. Kez kelgen ýaqytta aldyńyzdan mas júrgizýshi shyǵyp, sońy qaıǵyly jaǵdaımen aıaqtalýy múmkin degen sóz.
Ony aıtasyz, saraptama kabınetine bir kúnde mas kúıinde kólik basqarǵan 5-6 júrgizýshi kelip túsken sátter de kezdesken. Oblysymyzdaǵy túrli uıym qyzmetkerleri narkologııalyq dıspanserden narkotestileýden ótedi. Oǵan taldaý jasar bolsaq 2015 jyly barlyǵy 5144 narkotestileý ótkizilgen, onyń ishinde ishimdik, esirtki tutynǵanyn rastaǵan taldaýlar sany – 84 boldy. Al 2016 jyldyń 7 aıynda 4486 narkotestileý ótkizilip, onyń ishinde 6 azamatta esirtki qoldanǵany anyqtalyp otyr.
Budan bólek narkologııalyq dıspanser mamandandyrylǵan Halyqqa qyzmet kórsetý ortalyǵynda júrgizýshi kýáligin alý úshin narkotestileý ótkizedi. Munda da, sondaı-aq esirtkilik zattardy tutyný deregi anyqtalýda. 2015 jyly barlyǵy 18991 narkotestileý ótkizilip, onyń ishinde 128 narkotest tapsyrǵan azamattyń esirtki tutynǵany rastalǵan bolatyn. Bıylǵy jyldyń 7 aıynda 10837 narkotestileý ótkizilip, onyń ishinde 25 azamat esirtki qoldanǵany anyqtalyp otyr. Mine, osydan keıin esirtki tutyný, ishimdik iship kólik róline otyrý úırenshikti jaıǵa aınalyp bara ma degen qorqynyshty oı keledi. Álde olar úshin kólik júrgizý quqyǵynan aıyrylý, 30 táýlikke qamalý, jumystan bosatylý nemese aıyppul tóleý túkke turmaıtyn jazaǵa aınalyp ketkeni me? Qalaı aıtsaq ta, mundaı keleńsiz jaıttarmen jalǵyz emes, kóp bolyp kúresýimiz kerek.
Jaqyp JEKSEMBIEV,
Jambyl oblystyq narkologııalyq dıspanseriniń bas dárigeri
Jambyl oblysy