Adýyndy arlandar men alyp aıdaћarlar

Osy kúnderi Búkilálemdik boks serııasy boıynsha kásipqoı bokstan Azııa, Eýropa, Amerıka qur­lyqtarynda úsh topqa bólin­gen­ 12 komandanyń arasynda Olım­pıa­daǵa joldama beretin jarys­tar jalǵasýda. Oǵan Azııa qurlyǵynan qa­tysyp jatqan «Astana arlans» (Qa­zaqstan), «Poseidons pohang» (Koreıa), «Beijing dragons» (Qy­taı) pen «Baku fires» (Ázirbaı­jan) komandalary jeksenbi kúni kezekti jekpe-jekterin ótkizdi. Osy kúni «Baku fires» boksshy­lary Ońtústikkoreıalyq koman­da­ny qabyldap, 5:0 esebimen basym tússe, sol kúni Astanadaǵy «Dáý­let»  sport kesheninde kerilgen shar­shy alańda «Astana arlan­dary» qytaılyq «aıdahar­lar­men» kezdesip, olardy dál osyn­daı eseppen jeńdi. Bul kezdesýde Qazaqstan jaǵynan sharshy alań­ǵa shyqqan 54 kg. salmaqtaǵy Mirjan Raqymjanov, Erjan Mú­sápirov (61 kg.), Qanat Silám (73 kg.), Marat Moldagereev (85 kg.) jáne eń aýyr salmaqtaǵy Sardor Abdýllaev qarsylastaryn aıqyn basymdylyqpen utty. Osy jek­pe-jekterdiń ishinde eń qy­zyqtysy 61 jáne 73 kg. salmaqtaǵy boks­shylardyń kez­desýi boldy. «As­tana ar­lan­­daryn­da» al­ǵash­­qy kezdesýinen bastap ma­man­dardyń kó­zi­ne túsk­en Erjan Músápirov bul joly da jankúıerlerdiń úmitin aqtady. Buǵan deıin tórt jekpe-jektiń bárin taza utqan Erjan qy­taıl­yq Fang Lıdiń bes raýnd boıy eki aıaǵyn bir etikke tyqty dese bolady. Sóıtip, kezdesýdiń úshinshi raýndynan bastap tórt burysh­qa tyǵyla bastaǵan Lıdi Músá­pi­rov qýyp júrip sabady. Qysqasy, Erjanǵa qytaılyq boksshy la­ıyq­ty qarsylyq tanyta almady. Osy jekpe-jekke deıin Búkil­álem­dik boks serııasy komandalyq lıgasynyń reıtınginde ekinshi orynda turǵan Músápirov osy jeńisten keıin óz ornyn saqtap qalady dep oılaımyz. Budan keıin sharshy alańǵa kóterilgen Qanat Silámǵa Ońtústik Amerı­kanyń eń úzdik boksshysy Lıma Pedromen qolǵap túıistirýge týra keldi. Bul kezdesýdiń aldynda reı­tıngide 19-shy orynǵa jaıǵas­qan Qanat bir qarsylasynan jeńilip, ekinshisin utqan bolatyn.   Al Lıma Pedronyń reıtıngisi úshinshi oryn, onyń ústine ol tórt ret qarsylastarynyń bárin tize búktirgen edi. Biraq, osy jekpe-jekte brazılııalyq boksshyǵa jeńistiń dámin tatýǵa buıyrmady. Bizdiń Qanat birinshi raýndtan bastap ózine senimdi ekenin, ózine qarsy kelgen boksshylardyń bá­rin ońdyrmaı utýǵa tyrysat­y­nyn kórermenderge kórsetip berdi. Sóıtip, kezdesýde tóreshiler­diń bári Qanattyń sózsiz jeńgenin moıyndap, jeńisti qandasymyz­dyń qolyna ustatty. Osy keshte 85 jáne asa aýyr salmaqta qolǵap túıistirgen Marat Moldagereev pen bizdiń komanda sapynda júrgen ózbek­stan­dyq Sardor Abdýllaev el qorjy­nyna taǵy eki jeńisti syılady. Endi «Astana arlandary» kelesi kezdesýin 12 naýryz kúni ázir­baıjandyq komandamen, al 19 naýryzda koreıalyq boksshylar­men ótkizedi. Dastan KENJALIN. Sýretterdi túsirgen: Orynbaı BALMURAT.