Uıymmen yntymaqtastyq jalǵasady

Keshe Aqordada Memleket basshysy Nursultan Nazarbaev EQYU-nyń Is basyndaǵy tóraǵasy – Lıtvanyń Syrt­qy ister mınıstri Aýdronıýs Ajýbalısti qabyldady, dep habarlady Qazaqstan Res­pýb­lıkasy Prezıdentiniń baspa­sóz qyzmeti. Kezdesý barysynda Qazaqstan men EQYU arasyndaǵy ynty­maq­tastyqty damytý máselesi talqylandy. – Qazaqstannyń EQYU-ǵa tór­aǵalyǵy Uıymnyń tarıhynda te­reń iz qaldyrdy. On bir jyl­dan keıin alǵash ret Astanada ótken sammıtte Uıymǵa múshe mem­le­ketter ózderiniń EQYU-nyń negizin quraýshy qaǵı­dat­tar­dy usta­na­tyndyqtaryn taǵy da qýatta­ǵa­ny óte mańyzdy. Lıtva Is basyn­daǵy tóraǵa retinde óz jumysyn osy negizde júrgizetin bolady, – dep atap ótti A.Ajýbalıs Prezıdent N.Nazarbaevpen áńgime barysynda. EQYU-nyń Is basyndaǵy tór­aǵasy – Lıtva Respýblıkasynyń Syrtqy ister mınıstri Lıtva EQYU-nyń «úshtigi» aıasynda Qa­zaqstanmen tyǵyz yntymaq­tas­tyq ornatýǵa múddelilik tanytyp otyrǵanyn atap ótti. Ásirese, bul Ortalyq Azııa aımaǵyndaǵy problemalarǵa qatysty. – Qyrǵyzstandaǵy daǵdarys kezinde Qazaqstan EQYU-nyń tór­aǵasy retinde belsendi ári jyl­dam áreket jasap, ahýaldy turaqtandyrýshy ról atqardy. Sizdiń elińiz mundaı jaǵdaıda qalaı tıimdi jumys isteý kerektigin kórsetti, – dedi EQYU-nyń Is basyndaǵy tóraǵasy. BAQ ókilderine arnalǵan brıfıngte A.Ajýbalıs Astanada 11 jyldan soń alǵash ret ótken EQYU sammıtiniń zor mán-ma­ńy­zy baryn atap ótti. – Biz Qazaqstannyń BSU-ǵa kirý máselesin talqyladyq. Eýro­odaq­tyń kózqarasy turǵysynan alǵanda, bul – taza bıznes úshin jaǵdaı jasaýǵa negiz bolatyn uıym. Eń bastysy, Qazaqstan óz Táýelsizdigin alǵan 20 jyl ishinde ekonomıkalyq qarqyndy da­mý­ǵa qol jetkizdi. Aımaqta da, álemde de eldiń bedeli barǵan saıyn arta túsýde. Bıznes úshin barlyq jaǵdaı jasalýda. Qo­ǵam­daǵy jaǵdaı turaqty. Men son­daı-aq Nursultan Nazarbaevqa Lıtva Prezıdenti atynan táýel­siz­dik kúnimen quttyqtaýy jáne Qazaqstanǵa shaqyrǵan yqylasy úshin alǵys aıttym, – dedi         A.Ajýbalıs. Sonymen qatar, EQYU-nyń Is basyndaǵy tóraǵasy – Lıtva Respýblıkasynyń Syrtqy ister mınıstri astananyń ásemdigine óz tańdanysyn bildirdi. – Qazaqstan táýelsizdiginiń bas­tapqy kezinde qolǵa alyn­ǵa­nyn eskere kelgende, astanany kóshirý batyl sheshim boldy. Siz óz elor­da­ńyzdy, óz Astanańyzdy maqtan tuta alasyz, – dedi A.Ajýbalıs.