Qazaqstan qor bırjasynyń (KASE) Basqarma tóraǵasy Ádil Muhamedjanov Ulttyq Bank pen Qarjy naryǵyn retteý jáne damytý agenttigi (QNRDA) uıymdastyrǵan baǵaly qaǵazdar naryǵyn damytý baǵdarlamasyn talqylaý boıynsha dóńgelek ústelge qatysty. Ol ekonomıka men kásiporyndardy banktik qarjylandyrýdy tıimdi jáne aýqymdy naryqtyq qarjylandyrýmen tolyqtyrý qarjy júıesiniń aldynda turǵan strategııalyq tańdaý ekenin atap kórsetti, dep jazady Egemen.kz.
Ádil Muhamedjanov retteýshi fýnksııalardy qaıta teńestirý sheńberinde KASE ókilettikterin qaıta qaraýdy, óńirlik esep aıyrysý haby retinde Ortalyq depozıtarııdi kúsheıtýdi, ortalyq kontragenttiń rólin kúsheıtýdi, kredıttik táýekelderdi basqarý ınfraqurylymyn damytýdy jáne sıfrlyq qarjy aktıvteri naryǵyn iske qosýdy atap ótti.
Sondaı-aq KASE men AHQO arasyndaǵy retteýshi jáne salyqtyq tórelikti uıymdastyrý jáne biryńǵaı ınvestısııalyq keńistikti qalyptastyrý nıeti mańyzdy qadam.
«Sıfrlyq transformasııaǵa: sıfrlyq qarjy aktıvteri naryǵyn damytýǵa, baǵaly qaǵazdarmen jasalǵan mámileler boıynsha esep aıyrysýdy tezdetý jáne olarǵa qatysty quqyqtardy esepke alýdy aıqyn etý úshin jańa tehnologııalardy paıdalanýǵa, sondaı-aq halyqaralyq qarjylyq qatynastar standarttaryna kóshýge erekshe nazar aýdarý qajet. Mańyzdy mindet – ınvestorlar úshin biryńǵaı, túsinikti ınvestısııalyq keńistik qalyptastyrý», dep atap ótti KASE basshysy.
Ol zeınetaqy jáne saqtandyrý aktıvteriniń qatysýyn belsendi etý, bólshek ınvestısııalaýdy yntalandyrý jáne qarjylyq saýattylyqty arttyrý arqyly ishki suranysty qalyptastyrýdy kapıtal naryǵynyń ósýiniń negizgi faktory dep atady.
Ulttyq bank: Bıznes rýbl men dollardyń aýytqýyna táýeldilikti tómendetedi
Ádil Muhamedjanovtyń pikirinshe, kapıtal naryǵyn damytýdaǵy mańyzdy qadam baǵaly qaǵazdar naryǵy týraly jańa zańnyń qabyldanýy bolmaq. Ol belgilengen kún tártibin iske asyrý úshin KASE retteýshimen jáne naryq qatysýshylarymen syndarly dıalogqa daıyn ekenin rastady.
Ulttyq bank eskertedi: Tólem kartasyn buǵattaý arqyly jasalatyn alaıaqtyq kóbeıdi