Qazaqstanda jańa avtokólikterdiń satylym kólemi ósti. Salalyq odaq naryqqa taldaý júrgizip, oń dınamıka saqtalýy múmkin ekenin boljady, dep habarlaıdy Egemen.kz.
2025 jyly jańa avtokólik satylymy 2024 jylmen salystyrǵanda 15%-ǵa artqan. Bıyl da ósim jalǵasady degen boljam bar. Sarapshylardyń pikirinshe, naryq keminde taǵy 5%-ǵa ulǵaıýy yqtımal.
Qazaqstan avtokólik odaǵynyń málimetinshe, 2025 jyldyń jeltoqsanynda resmı dılerler 28 myńǵa jýyq jańa jeńil jáne kommersııalyq avtokólik satqan. Bul 2024 jyldyń sáıkes kezeńimen salystyrǵanda 7,3%-ǵa kóp. Al 2025 jyldyń qorytyndysy boıynsha satylym kólemi 234 myńnan asty. Osylaısha, Qazaqstanda jańa avtokólik segmenti qatarynan ekinshi jyl 200 myń satylym mejesinen asyp otyr.
Qazirgi tańda naryqta 75-ten astam avtokólik brendi usynylǵanymen, barlyq satylymnyń 80%-dan astamy áli de alǵashqy on iri kompanııanyń úlesinde.
Qazaqstannyń avtoparki jańartýdy qajet etedi
Sarapshylar eldegi avtoparktiń jaǵdaıyna da baǵa berdi. 2025 jylǵy 1 qazandaǵy derekke sáıkes, eldegi avtokólikterdiń shamamen jartysy 20 jyldan astam ýaqyttan beri paıdalanylyp keledi. Bul – naryq úshin syn-qater.
Sonymen qatar, elde jasy 0-7 jyl aralyǵyndaǵy shamamen 1,5 mıllıonǵa jýyq avtokólik bar. Degenmen, kólikterdiń 42%-y 20 jyldan astam ýaqyt boıy qoldanylyp júr. Mamandardyń aıtýynsha, dál osy segmentti jańartý qajet.
Avtokólik óndirisin ulǵaıtý josparlanýda
Qazaqstanda otandyq avtokólik óndirisiniń ósimi baıqalady. 2025 jyldyń qorytyndysy boıynsha elde avtokólik shyǵarý kólemi 18%-ǵa artqan.
Qazirgi ýaqytta Qazaqstanda tórt avtozaýyt jumys isteıdi. Onda qytaılyq jáne koreıalyq markalardyń kólikteri qurastyrylady. Alaıda olardyń tek ekeýinde ǵana jergilikti óndirýshilerdi tartyp, bólshekterdi Qazaqstan aýmaǵynda shyǵarý jumystary qolǵa alynǵan.
Qazaqstanda elektromobılder qymbattaýy múmkin
Sońǵy bir jylda Qazaqstandaǵy elektromobılder sany bir jarym eseden astam ósti. Qazir el joldarynda 22 myńǵa jýyq elektrokar júr.
Alaıda bıyldan bastap EAEO aıasynda elektromobılderdi baj salyǵynsyz ákelýge arnalǵan kvota Qazaqstan úshin qoldanylmaıdy. Buǵan deıin bul jeńildik belgilengen lımıt sheginde kólikterdi kedendik bajsyz ımporttaýǵa múmkindik beretin. Kvota 2025 jyldyń qazan aıynda tolyq ıgerilip, 2026 jylǵa uzartylmaǵan.
Avtokólik nómirin polıseı alyp ketse ne isteý kerek?
Sarapshylardyń pikirinshe, bul naryqqa keri áser etýi múmkin. Elektromobılder baǵasy aıtarlyqtaı ósedi. Táýelsiz avtomobıl odaǵynyń tóraǵasy Edýard Edokovtyń 24.kz-ke bergen aqparatyna sáıkes, endi kvotasyz ákelinetin kólikterge 16% qosylǵan qun salyǵy salynady. Sonyń saldarynan baǵa keminde 16-20%-ǵa qymbattaýy yqtımal. Aıta ketý kerek, ótken jyldyń ózinde elektromobılder quny 25-30%-ǵa óse bastaǵan.
Avtokólik óndirisinde ósim bar