Shymkent qalasynyń ákimdiginde kezekti azamattardy qabyldaý is-sharasy uıymdastyryldy. Kezdesý barysynda turǵyndar qala ákimine túrli máseleler boıynsha bazynalaryn aıtyp keldi. Azamattar baspana, jer máselesin qozǵap, kásipkerlik, densaýlyq saqtaý, áleýmettik kómek kórsetý, qalany abattandyrý problemalaryn kóterdi, dep jazady Egemen.kz.
Sondaı-aq, qabyldaýda qalany damytýǵa baılanysty birqatar usynystar men bastamalar aıtyldy. Olardyń birazy aldaǵy jumys josparyna engizip, jan-jaqty qaralatyn bolady. Máselen jeke ınvestısııalar esebinen zamanaýı emhana salýǵa jer telimin bólý máselesi erekshe nazarǵa alynady.
Jalpy, bir kún ishinde qala ákimi Ǵabıt Syzdyqbekov pen onyń orynbasarlary, aýdan ákimderi men basqarma basshylary 150-den astam azamatty qabyldady. Barlyq suraqtarǵa jan-jaqty jaýaptar men keńester berildi. О́z kezeginde shahar basshysy jaýapty tulǵalar tarapynan turǵyndardyń ótinishterin jedel ári naqty oryndap, keri baılanysty kúsheıtý qajettigin atap ótti.
Shymkent farmasevtıkasyna 39,5 mlrd teńge ınvestısııa quıylady
«Basty mindet – tek túsindirý jumysymen shektelmeı, naqty nátıjege qol jetkizip bul týraly ótinish ıelerine habardar etý», dedi ákim.
«Kóktem-2026»: Shymkentte sý tasqynynyń aldyn alý sharalary kúsheıtildi