Almatyda Qazaqstan Respýblıkasy Prezıdenti janyndaǵy Ulttyq ǵylym akademııasy janynan qurylǵan «Halyqaralyq qatynastar» zertteý ortalyǵynyń ashylýy jáne «Ortalyq Azııa muraty» kitaptar serııasynyń tusaýkeseri ótti, dep habarlaıdy Egemen.kz.
Jańa ortalyq halyqaralyq qatynastardy zertteýdi damytýǵa, Ortalyq Azııa boıynsha analıtıkany kúsheıtýge jáne óńirlik ǵylymı dıalogty keńeıtýge baǵyttalǵan.
Tusaýkeserge Akademııa basqarmasynyń prezıdenti Aqylbek Kúrishbaev, Syrtqy ister mınıstrliginiń Almatydaǵy ókildiginiń basshysy Jánibek Ábdirashov, BUU-nyń Almatydaǵy Jahandyq kommýnıkasııalar departamenti ókildiginiń basshysy Vlastımıl Samek, sondaı-aq Qytaı, Qyrǵyzstan, О́zbekstan, Tájikstan jáne Túrikmenstan dıplomatııalyq mıssııalarynyń, halyqaralyq uıymdar men ǵylymı qaýymdastyqtyń ókilderi qatysty.
Is-shara aıasynda «Ortalyq Azııa muraty» ǵylymı-taldamalyq serııasynyń tanystyryldy. Onyń quramyna Dýman Jekenovtiń «Ortalyq Azııa muraty» monografııasy, Qyrǵyzstan, О́zbekstan, Túrikmenstan jáne Tájikstan boıynsha jyl saıynǵy taldamalyq jınaqtar, sondaı-aq «Qytaı – Ortalyq Azııa: taldaý jáne sholý» basylymy endi.
Jańa eńbekter Ortalyq Azııa óńirindegi tarıhı, geosaıası jáne qazirgi úderisterge keshendi ǵylymı taldaý usynyp, strategııalyq sheshim ázirleýge arnalǵan turaqty saraptamalyq platformany qurýǵa baǵyttalǵan.
Saltanatty jıynda sóz sóılegen Aqylbek Kúrishbaev ortalyqtyń ashylýy men kitaptar serııasynyń jaryq kórýi ǵylymı dıplomatııany damytýǵa jáne halyqaralyq yntymaqtastyqty keńeıtýge qosylǵan mańyzdy úles ekenin atap ótti. Onyń aıtýynsha, Akademııanyń mıssııasy — ǵylymdy eldiń strategııalyq damýyna qyzmet etetin zııatkerlik resýrsqa aınaldyrý jáne jas ǵalymdardy qoldaý.
Sıfrlyq transformasııa kitaphanalardy qalaı ózgertip jatyr?
Uıymdastyrýshylar qatysýshylarǵa alǵys bildirip, óńirde jáne odan tys aýmaqta ǵylymı baılanysty odan ári nyǵaıtý men birlesken jobalardy júzege asyrýdyń mańyzyn atap ótti.
Jyljymaly kitap kórmesine qandaı shyǵarmalar usynyldy?