Apple kompanııasynyń kelesi tanystyrylymy 27 qazanda ótedi. Bul týraly Recode portaly habarlady.
Sharada kópshilik nazaryna jańa MacBook Pro noýtbýkteri usynylady dep kútilýde.
Kompanııa sońǵy ret jańa noýtbýkterin 2012 jyly jańartqan. Sol kezde jarııa etilgen MacBook Pro-ǵa Retina ekrany men Force Touch qoldaıtyn trekpad qosylǵan bolatyn.
Bloomberg agenttiginiń buǵan deıingi habarlaýynda, kúzgi tanystyrylymda iMac, MacBook Air jańa modelderin, sonymen qatar qanyqtylyǵy 5K qoldaıtyn monıtordy kórsetýi múmkin dep málimdegen. Rastalmaǵan derekterge sáıkes, jańa MacBook Pro qazirgisinen juqalaý, pernetaqtasy barynsha jalpaqtaý jáne qosymsha aqparatty kórsetýge arnalǵan sensorlyq OLED-ekrany bolady.