Májilis tóraǵasy Nurlan Nyǵmatýlın Fınlıandııaǵa resmı sapary barysynda óndirisshiler konfederasııasy, fındik eksportqa yqpaldastyq, tehnologııa men ınnovasııany qarjylandyrý jónindegi ókildermen kezdesti.
Májilistiń baspasóz qyzmetiniń habarlaýynsha, júzdesý barysynda eki memlekettiń ekonomıkalyq ózara is-qımylyn keńeıtý máseleleri talqyǵa salyndy.
N. Nyǵmatýlın óz sózinde Qazaqstan Prezıdenti Nursultan Nazarbaev usynǵan «qazaqstandyq damý jolynyń» erekshelikteri týrasynda baıandady.
Májilis tóraǵasy atap ótkendeı, Qazaqstanda táýelsizdik alǵan jyldar ishinde IJО́ dollarmen eseptegende 20 ese, ortasha jalaqy - 17 ese artyp, 2 mln jumys orny ashyldy.
N.Nyǵmatýlın fındik kompanııalardy 2015-2019 jyldarǵa arnalǵan ındýstrııalyq-ınnovasııalyq damý baǵdarlamasyn birlese júzege asyrýǵa jáne agroónerkásiptik keshendi jańǵyrtý salasyndaǵy múmkindikterdi basa atap ótti.
«Qazaqstanda basym baǵyttarda jumys isteıtin ınvestorlar úshin ujymdyq tabys salyǵynan, 10 jyl merzimge jer salyǵynan, 8 jylǵa múliktik salyqtardan bosatý syndy artyqshylyqtar qarastyrylǵan. Sonymen birge, nysandar paıdalanýǵa berilgennen keıin ınvestorlarǵa kúrdeli shyǵyndardyń 30 paıyzy qaıtarylady. Sondaı-aq, ótken jyly álemniń 35 eli boıynsha ınvestorlar úshin vızasyz rejımniń tizimi keńeıtildi. Keler jylǵa deıin ol tizimniń kólemi 54 elge deıin jetýge tıis. Olardyń qatarynda Fınlıandııanyń da bar ekeni óz-ózinen túsinikti», - dep atap ótti N. Nyǵmatýlın.
Májilis tóraǵasynyń aıtýynsha, Qazaqstan «EKSPO-2017» halyqaralyq kórmesine fındik áriptesteriniń qatysýyn asyǵa kútedi. Sebebi, Fınlıandııa - Soltústik Eýropa elderiniń qatarynda Qazaqstannyń negizgi saýda-ekonomıkalyq áriptesteriniń biri. Bul memleket ınvestısııa kólemi boıynsha soltústikeýropalyq elder arasynda ekinshi orynǵa ıe.
Qazaqstanda energetıka, telekommýnıkasııa, kólik, ken orny, aýylsharýashylyǵy, saýda syndy basqa da salalar boıynsha 70-ke taıaý fınlıandııalyq kompanııalar jumys isteıdi.
Aıta keteıik, Qazaqstan Fınlıandııanyń Ortalyq Azııadaǵy eń iri saýda jáne ekonomıkalyq áriptesi.