2016 jylǵy 20-21 qazanda Qazaqstan Respýblıkasy Din isteri jáne azamattyq qoǵam mınıstrli Nurlan Ermekbaev jumys saparymen Aqtóbe oblysynda boldy, dep habarlaıdy vedomstvonyń baspasóz qyzmetinen.
Sapar barysynda Aqtóbe oblysynyń ákimi B. Saparbaevpen bolǵan kezdesýde óńirdegi dinı ahýal jáne osy salany retteýde memleket tarapynan iske asyrylyp otyrǵan sharalar, óńirlik deńgeıde azamattyq qoǵam ınstıtýttaryn qoldaý jáne memlekettik jastar saıasatyn iske asyrýda qolǵabys etý máseleleri talqylandy.
Úkimettik emes uıymdarmen ótken kezdesý barysynda N.Ermekbaev qoǵamnyń áleýmettik máselelerin sheshýdegi «úshinshi sektor» ınstıtýttarynyń róline toqtala otyryp, olardy óńir turǵyndary, sonyń ishinde jastar arasynda dinı ekstremızmniń aldyn alý sharalaryna belsendi qatysýǵa shaqyrdy.
Ol osy rette jergilikti atqarýshy organdardy ákimderdiń halyqpen eseptik kezdesýleri kezinde turǵyndar tarapynan aıtylǵan áleýmettik ótinishterin, úkimettik emes uıymdardyń qatysýymen ótkizilgen qoǵamdyq saraptamalardyń qorytyndylaryn, sondaı-aq óńirde ótkiziletin «Áleýmettik ıdeıalar men jobalar jármeńkesi» nátıjelerin eskere otyryp óz bıýdjetterin, ásirese memlekettik áleýmettik tapsyrys lottarynyń taqyryptaryn qalyptastyrý qajettiligine nazar aýdarýǵa shaqyrdy.
«Nur Otan» partııasynyń oblystyq fılıalynda qaladaǵy joǵary oqý oryndarynyń stýdenttermen ótken kezdesýde vedomstvo basshysy jastardyń áleýmettenýi úshin qolaıly jaǵdaılar týdyrýdaǵy memleket tarapynan iske asyrylyp otyrǵan júıeli qoldaýlarǵa toqtala otyryp, olardy ártúrli destrýktıvti aǵymdardan saqtanýǵa shaqyrdy. Dinı bilim alý úshin meshit ımamdaryna júginýdi usyndy.
Mınıstr osy kúni Aqtóbe oblysynyń Alǵa aýdanyna issaparmen baryp, «Aqtóbe» medresesiniń qyzmetimen tanysty.
Mınıstr 21 qazanda «Ańsar» aqparattyq-resýrstyq ortalyǵynyń qyzmetimen tanysyp, óńir teologtarymen jáne meshit ımamdarymen kezdesti. Kezdesýde memlekettiń zaıyrlylyǵynyń konstıtýsııalyq qaǵıdattaryn saqtaýdyń jáne kúsheıtýdiń qajettiligi basa aıtyldy.
Sapar qorytyndysy boıynsha jergilikti deńgeıde radıkaldyq aǵymdy ustanýshalar men olardyń otbasy múshelerin deradıkaldandyrý men ońaltýǵa baǵyttalǵan óńirlik baǵdarlamany qabyldaý arqyly osy baǵyttaǵy jumystardyń pármendiligin arttyrý boıynsha keshendi sharalardy qabyldaý, óńirdegi meshitterge bilikti teologtardy tartý máselelerin sheshý usynyldy.
Mınıstrliktiń Din isteri komıteti tarapynan júrgizilip otyrǵan jumystary sheńberinde 2016 jyldyń basynan bastap Aqtóbe oblysynda 1750-den astam is-sharalar ótkizilip, onymen 54 myń adam, sonyń ishinde túzeý mekemelerinde jazalaryn óteýshi 1300 azamat qamtylǵan.
Jumys saparynda óńirdegi Din isteri basqarmasy men Jastar isteri basqarmasyna naqty tapsyrmalar berildi.