Búgin Ortalyq kommýnıkasııalar qyzmetindegi baspasóz máslıhatynda QR Syrtqy ister mınıstriniń orynbasary Roman Vasılenko Qazaqstanda jaqynda Reseı IIM arnaıy ókiliniń taǵaıyndalýyna baılanysty túsinikteme berdi, dep habarlaıdy QazAqparat.
«Shyn máninde osy taqyryp aınalasyndaǵy dúrlikpeni túsinbeımin. Bul qalypty, ıaǵnı keńinen taraǵan tájirıbe. Túrli arnaıy organdardyń ókilderi árbir eldegi elshilikter janynda jumys isteıdi jáne QR IIM ókili Reseıde bar. Sondaı-aq ózge arnaıy organdardyń ókilderi sheteldegi bizdiń elshilikter shtatynda resmı túrde jumys isteýde. Osy rette aqylǵa qonymsyz pikir jasamaýǵa shaqyramyn»,-dedi Vasılenko tilshiler saýalyna jaýap berý kezinde.
Esterińizge sala keteıik, 20 qazanda Qazaqstandaǵy Reseı IIM ókili taǵaıyndaldy. Osy rette Qazaqstan Respýblıkasyndaǵy Reseı Federasııasy Ishki ister mınıstrliginiń ókiletti ókili qyzmetine polısııa polkovnıgi Gır Andreı Von-Menovıch bekitildi.