Astanada Qazaqstan Respýblıkasynyń Memlekettik hatshysy Gúlshara Ábdiqalyqovanyń tóraǵalyǵymen Qazaqstan Respýblıkasynyń ádebıet pen óner salasyndaǵy 2016 jylǵy Memlekettik syılyǵyn taǵaıyndaý jónindegi komıssııanyń qorytyndy otyrysy ótti.
Qazaqstan Respýblıkasynyń ádebıet pen óner salasyndaǵy Memlekettik syılyǵy ádebıet pen óner qaıratkerleriniń qoǵam men memleket aldyndaǵy eńbegin joǵary taný bolyp tabylady. Memlekettik syılyq Qazaqstan Respýblıkasynyń azamattaryna otandyq mádenıetti damytýǵa erekshe baǵaly úles dep tanylǵan ádebıet pen óner salasyndaǵy asa úzdik shyǵarmalary úshin beriledi.
Otandyq shyǵarmashyl zııaly qaýymnan qurylǵan komıssııa músheleri iriktelip alynǵan shyǵarmalardyń úsh aılyq merzimdegi talqylaný barysy jónindegi Mádenıet jáne sport mınıstri A.Muhamedıulynyń aqparatyn tyńdap, erkin pikir almasty.
Komıssııa jasyryn daýys berý arqyly Elbasynyń qaraýyna usynylatyn 2016 jylǵy Qazaqstan Respýblıkasynyń ádebıet pen óner salasyndaǵy memlekettik syılyǵy laýreattyǵyna úmitkerlerdi anyqtady. Dástúr boıynsha Memlekettik syılyq laýreattaryn marapattaý Táýelsizdik kúni qarsańynda ótedi.