2016 jyldyń 9 aıynda memlekettik bıýdjet kiristeri 1 trıllıon teńgege jýyq asyra oryndaldy. Bul týraly búgin Úkimet otyrysynda QR Qarjy mınıstri Baqyt Sultanov málim etti dep habarlaıdy Úkimet úıinen egemen.kz tilshisi. "Aǵymdaǵy jyldyń 9 aıynda memlekettik bıýdjettiń atqarylýy sapaly jetistiktermen erekshelenedi. Kirister aıtarlyqtaı asyra oryndaldy. Salyqtar qazirdiń ózinde búkil ótken jyldyń kólemine keletindeı jınaldy. Shyǵystar bul kezeń úshin eń joǵarǵy mánge jetip ıgerildi. Shyǵystardyń jartysy áleýmettik bolyp tabylady. Al 4\1-i ekonomıkalyq ósimge baǵyttalǵan. О́ńirlik bıýdjetter ekonomıkalyq turaqtylyqqa arnalǵan jańa transferttermen qoldaý tapty. Jergilikti bıýdjetter jalpy jaqsy ósim kórsetýde", - dedi mınıstr. Onyń aıtýynsha, bıýdjet kirisi bıyl aıtarlyqtaı ósim kórsetip otyr. "Kirister 1 trıllıon teńgege jýyq asyra oryndaldy. Bul makroeknomıkalyq jaǵdaıdyń jaqsarǵanyn kórsetip otyr. Mysaly, belsendi salyq tóleýshilerdiń sany 85 myń kásiporynǵa jetip, 7,3 paıyzǵa ósti. Kiristerdiń artyǵymen oryndalýy bıýdjettiń naqtylaýyna negiz boldy. Osylaısha kontrsıkldi saıasattyń nátıjeleri baıqalýda. Iаǵnı, ekonomıkany qoldaý qosymsha salyqtardy týyndatady. Bul salyqtar bıýdjet arqyly ekonomıkaǵa qaıtyp keledi. Jalpy memlekettik bıýdjettiń kiristeri 126 paıyzǵa atqaryldy. Onyń ishinde respýblıkalyq bıýdjet 131 paıyz, al jergilikti bıýdjetter 115 paıyzǵa atqaryldy", - dep atap ótti Sultanov. Mınıstrdiń aıtýynsha, memlekettik bıýdjettiń shyǵyndary bıyl 13 paıyzǵa ósken. Onyń kólemi 7 trıllıon teńgege jetip otyr. Dárigerler, muǵalimder jáne ózge de bıýdjettik qyzmetkerlerdiń jalaqysy ósirildi. Memlekettik qyzmetkerlerdiń jalaqysyna ketetin shyǵyndar jalpy 18 paıyzǵa ulǵaıdy jáne trıllıon teńgege jetti. Shyǵyndardyń jartysynan kóbi, shamamen 3,6 trıllıon teńge áleýmettik salaǵa jumsaldy. Onyń ishinde 1 trıllıon teńge zeınetaqy tólemderine bólingen.
Dınara Bitikova