Astanalyq "Barys" qorǵaýshy Damır Ryspaevpen kelisimshartty buzdy, dep habarlaıdy Qurlyqtyq hokkeı lıgasy.
Klýb pen hokkeıshi arasyndaǵy kelisimshart taraptardyń kelisimimen buzyldy. Ryspaevtyń óz mansabyn qaıda jalǵastyrary ázirge belgisiz. Aıta keteıik, buǵan deıin maýsymǵa ótinish bererde «Barys» Ryspaevty tizimnen shyǵarǵan. Alaıda, klýb hokkeıshimen qoshtaspaıtynyn, dıskvalıfıkasııaǵa baılanysty tizimnen shyǵarǵanyn aıtqan edi.
«Barys» quramynda Ryspaev 2014 jyldyń 17 qazanynan bastap oınap keledi. Qurlyqtyq hokkeı lıgasynyń turaqty chempıonatyndaǵy eki maýsymda ol 23 match ótkizip, 194 mınýt aıyp ýaqytyn aldy. Birneshe ret tóbeleske kılikken jas hokkeıshini QHL uzaq este saqtaıdy.
Bul maýsymda Ryspaev korporatıvtik merzimsiz dıskvalıfıkasııaǵa baılanysty eshqandaı match ótkizgen joq. Mundaı jaza qorǵaýshyǵa «Kýnlýnmen» maýsymaldy oıynyndaǵy tóbeles úshin berilgen.
Reseıdiń Championat.com saıty Qurlyqtyq hokkeı lıgasy tarıhyndaǵy eń úzdik buzyq sportshylar tizimin jarııalady. Úzdik ondyqqa qazaqstandyq hokkeıshi Damır Ryspaev ta engen. Sonymen qatar, bul tizimde Aleksandr Svıtov, Evgenıı Artıýhın, Krıs Saımon, Djon Mırastı, Djeremı Iаblonskıı, Darsı Vero bar.