Taıaýda Prezıdent janyndaǵy Quqyqtyq saıasat jónindegi keńestiń jáne Joǵary sot keńesiniń birlesken otyrysy bolyp ótti.
Birlesken otyrysta Iývenaldy ádilet júıesin damytýdyń 2009-2011 jyldarǵa arnalǵan tujyrymdamasyn iske asyrýǵa qatysty, sondaı-aq zań jobalaryn ázirleý men ǵylymı saraptaý júıesiniń ózekti máseleleri qaraldy. Atalǵan máseleler boıynsha Ádilet mınıstrliginiń aqparaty tyńdaldy.
Quqyqtyq saıasat jónindegi keńestiń jáne Joǵary sot keńesiniń birlesken otyrysynyń usynymdary Qazaqstan Respýblıkasyndaǵy zańnamany jáne quqyq qoldaný qyzmetin ári qaraı jetildirýde eskeriletin bolady.
«Egemen-aqparat».