Svetlana Podobedova, Zúlfııa Chınshanlo jáne Maııa Maneza Olımpıada medaldarynan aıyryldy, - dep habarlaıdy egemen.kz UOK resmı saıtyna silteme jasap.
Olar London Olımpıadasynda óz salmaq dárejesinde altyn medal jeńip alǵan bolatyn. Jaqyn arada Podobedova, Chınshanlo jáne Maneza altyn medaldardy qaıtarýy tıis. Olardyń qatysqan jarystary qaıta qaralatyn boldy.
HOK Podobedova, Chınshanlo jáne Manezadan dopıng synamalarynyń anyqtalǵanynan keıin osyndaı sheshim shyǵarǵan. Ruqsat etilmegen zattar qaıta tekserilýden keıin anyqtalǵan. HOK WADA-men birge bul tekseristerdi osy jyldyń basynan bastap ótkizip keledi.
Osyǵan deıin HOK Olımpıada-2008 oıyndarynyń kúmis júldegeri Taımýraz Tıgıevtiń medalin qaıtaryp alǵan bolatyn.