2017 jyldyń 12 shildesinde EKSPO-2017 halyqaralyq kórmesindegi Germanııa Ulttyq pafılonynyń ashylýy bolady. Bul týraly Aqordada Memlekettik hatshy Gúlshara Ábdiqalyqovanyń Germanııa Federatıvtik Respýblıkasy Parlamenti Býndestaginiń depýtaty Sıbılle Pfaıfermen kezdesýi barysynda málim boldy.
Kezdesý barysynda Memlekettik hatshy Býndestag depýtatyna Astanada ótetin aýqymdy sharaǵa daıyndyqtar barysy jóninde maǵlumat berdi. Sondaı-aq, keler jyldyń shilde aıynda Germanııa Ulttyq pavılonynyń ashylýyna qatysatyn mártebeli meımandardy qazaqstandyq tarap qonaqjaılyqpen qarsy alatyndyǵyn jetkizdi.
Bul kúngi kezdesý barysynda qos tarap Qazaqstan men Eýropalyq odaq arasyndaǵy keńeıtilgen seriktestik jáne yntymaqtastyq týraly Kelisimdi iske asyrý máselesine erekshe nazar aýdardy. Kelisimniń júzege asýy ózara saýdanyń odan ári óristeýine, Qazaqstan men EýroOdaq elderi arasyndaǵy áriptestiktiń nyǵaıýyna úles qosatynyna senim bildirdi.