Keshe Qyzylorda oblysy, Qyzylorda qalasy ákimdikteri, Eýropalyq qaıta qurý jáne damý banki jáne «Qyzylorda tazalyǵy» JShS arasynda «Qyzylordada turmystyq qatty qaldyqtardy óńdeý» jobasyn júzege asyrý týraly kelisimge qol qoıyldy, dep habarlaıdy egemen.kz Qyzylorda oblysy ákimdiginiń saıtyna silteme jasap.
Jobany EQQDB, QR Úkimeti, oblys ákimdigi jáne Halyqaralyq taza tehnologııalar qory qarjylandyrady.
Joba aıasynda bolashaqta ekologııalyq taza elektrli jáne bıogazdy jylý energııasyn alý josparlanýda.
Turmystyq qatty qaldyqtardy óńdeıtin zaýytta turaqty jańa jumys oryndary ashylatyn bolady.
"Halyqaralyq qarjy uıymdarymen birlesken kelisimder aıasynda júzege asyrylatyn jobalardy qoldaý maqsatynda QR Úkimeti jobanyń jalpy qunynyń 40 paıyzyna deıin qaıtarymsyz nesıe berý tártibin bekitti. Iri ınfraqurylymdyq jobalardy júzege asyrý úshin bul eń qolaıly sharttar bolyp tabylady. Turmystyq qatty qaldyqtardan ekologııalyq taza jylý jáne elektr qýatyn alý jobasy zaman talabyna saı jáne «EKSPO-2017» halyqaralyq kórmesiniń talaptaryna sáıkes keledi", - dedi oblys ákimi Qyrymbek Kósherbaev.
EQQDB-niń Qazaqstandaǵy dırektory Djanet Hekman hanym óz kezeginde «jasyl» tehnologııalardy engizý boıynsha Qyzylorda oblysy pılottyq aımaq ekendigin atap ótti.