2001
* 26 qyrkúıekte Elbasy Nursultan Nazarbaev AQSh Prezıdenti Djordj Býshpen telefon arqyly sóılesti. N.Á.Nazarbaev Qazaqstannyń terrorızmge qarsy kúreske sóz júzinde ǵana emes, is júzinde de qatysýǵa jáne bul úderiske járdem kórsetýge ázir ekenin málimdedi. Dj.Býsh halyqaralyq terrorızmmen kúres máselesinde kórsetken bekemdigi úshin Qazaqstan Prezıdentine alǵys sezimin bildirdi. Osy kúni Ýkraına Prezıdenti Leonıd Kýchma resmı saparmen Astanaǵa keldi. Eki el prezıdentteri N.Nazarbaev pen L.Kýchma Birikken málimdemege qol qoıdy.
* 1 qazanda Elbasy Nursultan Nazarbaev Germanııa Federasııalyq Respýblıkasyna resmı saparmen bardy. Erteńine ótken Qazaqstan Prezıdenti men GFR Federaldyq kansleri Gerhard Shrederdiń kezdesýinde Qazaqstan ekonomıkasynyń yrǵaqty damýyn qamtamasyz etý úshin nemis jaǵynyń ınvestısııalyq belsendiligin arttyrýǵa qolaıly ahýal týǵyzý qajettigi jóninde ortaq uıǵarym jasaldy. Bul týraly «Egemen Qazaqstan» gazetiniń 3 qazan kúngi nómirinde «Germanııamen áriptestik baılanys» taqyrybymen maqala jaryq kórdi.
* 3 qazanda Prezıdent Nursultan Nazarbaev jumys saparymen Ankaraǵa kelip, Túrkııa prezıdenti Ahmet Nedjdet Sezermen kezdesý ótkizdi.
* 13 qazanda Amerıka Qurama Shtattarynda kúıdirgi aýrýyn juqtyrý jaǵdaılaryna Qazaqstannyń qatysy bar-mys deıtin jarııalanymdardyń AQSh-tyń birqatar aqparat quraldarynda paıda bolýyna baılanysty Syrtqy ister mınıstrligi Qazaqstan ıadrolyq qarýsyzdaný, hımııalyq jáne bıologııalyq qarýdy joıý salasyndaǵy halyqaralyq sharttar sheńberinde ózine alǵan mindettemelerdi oryndaýǵa, sondaı-aq bakterıologııalyq (bıologııalyq) jáne ýlaǵysh qarýdy óndirý men jınaqtaýǵa tyıym salý jáne ony joıý týraly konvensııanyń qaǵıdattaryn saqtaýǵa tolyq adal bolyp otyr dep málimdedi.
* 17 qazanda Qazaqstan Respýblıkasynyń Densaýlyq saqtaý isi jónindegi agenttigi Qazaqstan Respýblıkasynyń Densaýlyq saqtaý mınıstrligi bolyp qaıta quryldy.
* 20 qazanda elimiz óz táýelsizdiginiń on jyldyǵyn atap ótip jatqan jyly tyń ıgergennen bergi eń bitik ‑ gektaryna 14 sentnerden astam ortasha túsim jaǵdaıynda 18 mıllıon tonnadan artyq astyq ósirilip, jınap alyndy. Prezıdent Nursultan Nazarbaev respýblıka dıqandaryn quttyqtaýynda osynaý eńbek tabysyn «memlekettiń ekonomıkalyq áleýetin qalyptastyrýǵa ǵana emes, sonymen birge iri astyq óndirýshilerdiń biri retinde Qazaqstannyń álem jurtshylyǵy aldyndaǵy bedelin arttyrýǵa qosylǵan laıyqty úles» retinde baǵalaǵan. Rasynda da, dabyra-dúrmeksiz bitken oraq naýqanynda burynǵy ólshemmen aıtqanda, 1 mıllıard puttan astam astyq jınalǵany el ekonomıkasy áleýetiniń anaǵurlym arta túskenine daýsyz dálel.
*24 qazanda Qazaqstan halqy Assambleıasynyń VIII sessııasy bolyp ótti. «Táýelsizdigimizdiń on jyly: beıbitshilik, progress jáne qoǵamdyq kelisim» taqyrybynda Elbasy – Qazaqstan halqy Assambleıasynyń Tóraǵasy Nursultan Nazarbaev sóz sóıledi. El basshysy memlekettik ulttyq saıasatty iske asyrýdyń negizgi tetigi retinde Assambleıa jumysynyń tıimdiligin arttyrý qajettigi pisip-jetilgenin atap kórsetip, Qazaqstan qoǵamyn toptastyrý, etnosaralyq saıasatta áleýmettik jáne ekonomıkalyq arnany keńeıtý, jastarǵa patrıottyq tárbıe berýdi kúsheıtý, jalpyqazaqstandyq mádenıettiń odan ári damı berýine járdemdesý mindetterin alǵa tartty. «Elimizdegi ózara senimge negizdelgen etnosaralyq, etnomádenı jáne dinaralyq qatynastardy nyǵaıtý, Qazaqstan qoǵamyndaǵy rýhanı kelisim sabaqtastyǵyn ornyqtyra berý – bizdiń negizgi mindetimiz», dedi Prezıdent.
* 1 qarashada Ońtústik Qazaqstan oblysynyń Maqtaaral aýdanynda Syrdarııa ózeniniń ústinen tartylǵan kópirdi ashý saltanaty ótti. Onyń uzyndyǵy – 431 metr. «Táýelsizdiktiń birinshi kúninen bastap halyqtyń osy joldy ańsaǵanyn men bilemin. 54 shaqyrymdyq jol burynǵy 120 shaqyrymdyq aınalma joldy qysqartyp otyr. Endi otandastarymyz elmen qarym-qatynasty eshkimge kiriptar bolmaı jasaı alady», dedi Elbasy Nursultan Nazarbaev kópirdi asharda sóılegen sózinde. Bul týraly «Egemen Qazaqstan» gazetinde «Saýaptyń úlkeni – kópir salý» taqyrybymen maqala jarııalandy.
* 6 qarashada Qazaqstan Respýblıkasy Ulttyq Ǵylym akademııasynyń el táýelsizdiginiń 10 jyldyǵyna arnalǵan sessııasy bolyp ótti. Sessııada sóz sóılegen Prezıdent Nursultan Nazarbaev Ulttyq Ǵylym akademııasynyń osy jyldarda atqarǵan qomaqty isterimen qatar, jasalmaı jatqan jumystardyń da kóptigine nazar aýdardy. Elbasy sol kúni «Qazaqstan Respýblıkasy Ulttyq ǵylym akademııasynyń keıbir máseleleri týraly» О́kimge qol qoıdy. О́kim boıynsha akademııanyń qyzmetin jetildirý jónindegi usynystardy taldap-jasaý úshin vedomstvoaralyq komıssııa quryldy, komıssııaǵa úsh aı merzimde ǵylymnyń jaı-kúıin, onyń álemdik damý úrdisterin, ǵylymı-tehnıkalyq salany basqarýdyń qazirgi tańdaǵy uıymdastyrylýyn, eldiń qazirgi bar ǵylymı kadrlary men ǵylymı-tehnıkalyq áleýetin, materıaldyq-tehnıkalyq bazasynyń jaı-kúıin taldaý tapsyryldy.
*29 qarashada Máskeýde TMD-nyń qurylǵanyna 10 jyl tolýyna oraı merekelik sammıt ótti. Oǵan Elbasy Nursultan Nazarbaev qatysty. Osy kúni Qazaqstan men Ázerbaıjan arasynda Kaspıı teńiziniń tabanyn mejeleý týraly kelisimshartqa qol qoıyldy.
*16 jeltoqsanda Qazaq eli óziniń alǵashqy mereıtoıyn – Táýelsizdiktiń on jyldyǵyn atap ótti. Astanadaǵy Kongress-hollda Qazaqstan Respýblıkasynyń memlekettik táýelsizdiginiń 10 jyldyǵyna arnalǵan saltanatty májilis ótkizildi. Májiliste Prezıdent Nursultan Nazarbaev baıandama jasady.
*17 jeltoqsanda Prezıdent N.Á.Nazarbaev jumys saparymen Ispanııaǵa bardy. Ispanııa Úkimetiniń basshysy Hose Marıa Asnarmen «Monkloa» rezıdensııasynda ótken kelissózder barysynda eki jaq halyqaralyq jaǵdaıdyń kókeıkesti máseleleri jáne Qazaqstan-Ispanııa qarym-qatynastarynyń qazirgi jaı-kúıi men bolashaǵy talqylandy.
*18-21 jeltoqsan aralyǵynda Prezıdent N.Á.Nazarbaev jumys saparymen AQSh-qa bardy. Eki el prezıdentteri uzaq merzimdi strategııalyq seriktestikti nyǵaıtý týraly málimdemege qol qoıdy.
*22 jeltoqsanda Prezıdent N.Á.Nazarbaev Londonǵa jumys saparymen bardy. Sapar barysynda kóptegen memleket jáne qoǵam qaıratkerlerimen, sonyń ishinde Ulybrıtanııanyń burynǵy Premer-mınıstri M.Tetchermen kezdesti.