Shymkenttegi «Rixos Khadisha» qonaq úıiniń saltanat saraıynda «Qazaqstanda júzege asyrylatyn eń úzdik áleýmettik jobalar» baıqaýynyń jeńimpazdary marapattaldy. Densaýlyq saqtaý jáne áleýmettik damý mınıstrliginiń, «Memlekettik áleýmettik saqtandyrý qory» AQ-tyń uıymdastyrýymen ótken sharaǵa Densaýlyq saqtaý jáne áleýmettik damý mınıstri Tamara Dúısenova, oblys ákimi Janseıit Túımebaev, Parlament depýtattary men memlekettik organdardyń jáne qoǵamdyq birlestikterdiń ókilderi qatysty.
Jıynda sóz alǵan Densaýlyq saqtaý jáne áleýmettik damý mınıstri Tamara Dúısenova Qazaqstanda áleýmettik jobalardy júzege asyrýdyń kómegimen ómirdiń qıyndyqtaryna tap bolǵan 250 myńnan astam azamatqa, onyń ishinde 100 adamǵa kómekke zárý adamdarǵa kómek pen qoldaý kórsetilgenin baıandady. Bıylǵy baıqaýda aımaqtyq komıssııa 178 ótinishti qarap, 32 áleýmettik joba baıqaýdyń irikteý kezeńine ótken eken. Komıssııa músheleri Densaýlyq jáne áleýmettik damý mınıstrligi saıtyndaǵy daýystardyń nátıjesin saraptap, elimizdiń barlyq aımaqtarynda júzege asyrýǵa múmkindigi bar jobalardy anyqtady.
Birinshi oryn «Onlaın sýrdoaýdarma qyzmeti» áleýmettik jobasynyń avtory almatylyq Sergeı Mahashevke berildi. Ekinshi oryndy Kókshetaý qalasyndaǵy múmkindigi shekteýli azamattar men Krasnyı Iаr aýylynda turatyn «18 jasqa deıingi múgedek-balalarǵa úıde pallıatıvti kómek kórsetý ortalyǵyn uıymdastyrý» áleýmettik jobasy ıelendi. Úshinshi orynǵa «Adam saýdasynyń qurbandaryna arnaýly áleýmettik qyzmetter kórsetý» áleýmettik jobasynyń avtory, astanalyq Anna Ryl ıe boldy.
Eshkim taǵdyryn jaratqannan surap almaıdy. Bular múmkindigi shekteýli bolǵandarymen, ózgelermen teńdeı ómir súrýge quqyly. Elimizde jyl saıyn osy saladaǵy azamattarǵa áleýmettik kómekter kórsetilýi jaqsy qarqyn alyp, rýhanı demeýdiń jańa tetikteri qolǵa alynyp keledi. Qazaqstan boıynsha júzege asyrylýǵa jaraıtyn áleýmettik jobalar sonyń bir tarmaǵy ǵana.
ShYMKENT