Orta salmaqta synǵa túsip júrgen qazaqstandyq boksshy Gennadıı Golovkın kelesi jyly kem degende úsh jekpe-jek ótkizýdi josparlap otyr. Bul týraly boksshynyń promoýteri Tom Leffler BoxingNewsandViews.com-ǵa bergen suhbatynda aıtty, dep habarlaıdy Baq.kz.
GGG komandasy jeltoqsan aıynda amerıkalyq Denıel Djeıkobske qarsy jekpe-jek uıymdastyrýǵa tyrysqan edi. Alaıda bul kezdesý ýaqyt tapshylyǵyna baılanysty kelesi jylǵa shegerildi.
«Biz Djeıkobspen kelissóz júrgizýdi jalǵastyryp jatyrmyz. 2017 jyly GGG úshin eń kemi úsh jekpe-jek uıymdastyrý josparymyzda bar. Sońǵy úsh jylda ol ózin eń belsendi álem chempıony retinde kórsetti»,- deıdi Leffler.
Aıta ketsek, bıyl otandasymyz bar bolǵany eki jekpe-jek ótkizdi. Birinshi kezdesýde amerıkalyq Domınık Ýeıdpen judyryqtasyp, qarsylasyn nokaýtqa jiberse, ekinshisinde brıtanııalyq Kell Brýkty tize búktirdi.