Pavlodar polısııasyna úı aýlasynan «Mazda- 626» kóliginiń urlanǵany týraly habarlama kelip tústi. Bul týraly QazAqparat habarlaıdy. Polısııa «ustaý» josparyn qurdy jáne az ýaqytta patrýldi polısııa urlanǵan avtokólikti tapty. Onyń rólinde 21 jastaǵy Pavlodar turǵyny bolǵan. Polısııanyń anyqtaýynsha, boıjetken aýladaǵy kólikti kórip, urlap áketýdi oılastyrǵan. Kesh batqan soń, jolaýshylar esigin buraýyshpen ashyp, qozǵaltqyshyn iske qosyp, aıdap áketken. Kúdikti buryn isti bolǵan, esh jerde jumys istemeıdi. Atalǵan fakt boıynsha QR QK 200-baby, 1-bólimi («Avtokólikti jymqyrý maqsatynsyz aıdap ketý») boıynsha sotqa deıingi tergeý júrip jatyr. Kúdikti eki jylǵa bas bostandyǵynan aıyrylýy múmkin.