Jaqynda Qyzylordada qol dobynan Azııanyń áıelder komandalary arasyndaǵy birinshi chempıonaty márege jetti. Qurlyqtyń áıelder lıgasy chempıonatyna Qazaqstannan – 3, Iran, О́zbekstan jáne Katar elderinen bir-bir komandadan, barlyǵy 6 komanda qatysty.
Qazannyń 26-sinde sóreden shyqqan bul týrnırde ótkizgen 5 oıyndy túgel jeńispen bitirgen Qyzylordanyń «Qaısary» atalmysh jarystyń tarıhyndaǵy tuńǵysh chempıon atandy. О́ziniń bastaý alar arnasyn 1994 jyly «Seıhýn» atty komanda bolyp qurylýdan bastaǵan Syr boıyndaǵy bas qala klýbyna jeńisti Botagóz Baqyt, Ferýza Ysqaqova, Aıda О́mirzaq, Marııa Pýpchenkova, Zarına Chýgýnova, Vıktorııa Kolotınskaıa, Jannat Áıtenova, Natalıa Ilına, Gaýhar Moldanazarova, Tatıana Davydova, Tomırıs Bodan, Olga Rıabova, Marııa Gafonova, Elızaveta Sobına, Alla Chernyshkova jáne Dana Ábilda sekildi gandbolshylar alyp berdi. Ujymdy jarysqa bas jattyqtyrýshy Vıacheslav Kım daıyndady.
Týrnırde ekinshi oryndy Almatynyń «Almaty», úshinshi oryndy Almaty oblysynyń «Ile» komandalary jeńip aldy.
Jeńimpaz komanda men júldegerler medaldarmen jáne dıplomdarmen marapattaldy. Chempıon atanǵan ujymǵa sonymen birge avtobýstyń kilti tapsyryldy.
Marapattaý rásimine Azııa gandbol federasııasynyń vıse-prezıdenti Mýhammed Bader, Qazaqstan gandbol federasııasynyń prezıdenti Gúlnar Turlyhanova qatysty.
Laýra ShOŃǴALOVA
QYZYLORDA