Qazaqstan Respýblıkasy Táýelsizdiginiń 25-jyldyǵyn atap ótý sheńberinde Qazaqstannyń Dýshanbe qalasyndaǵy Elshiliginiń bastamasymen Tájikstannyń ulttyq kitaphanasynda qazaqstandyq ádebıet buryshynyń ashylý saltanaty ótti, dep habarlaıdy egemen.kz Syrtqy ister mınıstrliginiń saıtyna silteme jasap.
Ashylý saltanatynda Elshi Nurlan Seıtimov atalǵan is-sharany ótkizý eki halyqtyń baı ádebı murasynyń odan ári tyǵyz jaqyndasýyna, sondaı-aq Qazaqstan men Tájikstan arasyndaǵy mádenı-gýmanıtarlyq baılanystardyń nyǵaıýyna sebep bolatynyn atap ótti. Sonymen qatar, qazaqstandyq tarap júıeli túrde jańartyp otyratyn qazaq, tájik, orys pen aǵylshyn tilderindegi qazaqstandyq jáne tájikstandyq avtorlardyń kitaptary Ulttyq kitaphananyń qoryna tabys etildi. Atalmysh is-sharaǵa Ulttyq kitaphananyń basshylyǵy, «Báıterek» qazaq mádenı ortalyǵynyń tóraǵasy Záýre Sámınova, BAQ pen Tájikistannyń JOO stýdentteri qatysty.