Úmitkerinen úmitteri úlken

Qazaqstan Respýblıkasy prezıdenttiginen úmitkerlerdiń saı­laýaldy úgit-nasıhat jumystary bastalyp ketti. «Qazaqstannyń patrıottar partııasy» qoǵamdyq birlestigi usynǵan Ǵanı Qa­symov­tyń esimi munyń aldyndaǵy prezıdenttik saılaýǵa qatysýymen, Parlament Senatynyń depýtaty retindegi qyzmetimen kópshilikke jaqsy tanys. «Qazaqstannyń patrıottar partııasy» qoǵamdyq birlestigi oblystyq fılıalynyń hatshysy Nıkolaı Vyhodestiń aıtýynsha, qazirdiń ózinde partııa­nyń oblystyq saılaý shtaby ju­mys isteýde. Ázirge óz úmitkerlerin qoldaý jónindegi úgit-nasıhat jumys­taryna daıyndyq sharalary da tııanaqtalyp qalypty. Shtab qu­ra­my 10 adamnan turady. Onyń ja­nynan 50-ge jýyq úgitshiler anyq­talǵan kórinedi. Olardyń ara­synda esimderi óńirge belgili ǵalym Úkitaı Baıjomartov, eńbek ardageri Dúkenbaı Imanǵalıev sekildi tanymal azamattar bar. Qazirdiń ózinde úgit-nasıhat jumystaryn júrgizý kezinde kerekti kórnekilikter jetkizilgen. Partııanyń atrıbýttarymen, jalaý jáne jalaýshalarmen qamta­ma­syz etilgen. Úgit-nasıhat ma­terıaldary japsyrylatyn jer­le­r­diń meken-jaılary habarlan­ǵan. Mundaı shtabtar aýdandarda da ashylypty. Fılıal hatshysy jalpy ob­lystaǵy 40 myńǵa jýyq partııa múshelerinen basqa da qol­daý­shylar bolatynyna senimdi. Oǵan prezıdenttikten úmitker Ǵanı Qasymovty qoldap qol jınaý barysynda janashyrlyq ta­nyt­qandardyń kóp bolǵanyn dá­lel retinde alǵa tartty. – Bizdiń uranymyz «Biz h­a­lyq­pen birgemiz» bolǵan­dyq­tan, bizge búıregi buratyndar kóbeıe túsedi dep oılaımyn. Ázirge biz­diń partııanyń úmitkeri óńiri­mizge qashan keletinin habarlaı qoıǵan joq. Sonda da biz qamsyz emespiz, úgit-nasıhat ju­mys­ta­ryn endi-endi jandandyra túse­miz. Bul baǵytta ótken saı­laý­daǵy tájirıbemizdi de paı­dala­na­myz, – deıdi N.Vyhodes. «Qazaqstannyń patrıottar par­tııasy» qoǵamdyq birlestigi oblys­t­yq fılıaly janynan ashyl­ǵan saılaý shtaby saı­laýal­­dy úgit-na­sı­hat jumystaryn júr­gizýge da­ıyn. Shtab jumysy prezıdenttik saı­laýdyń ádil jáne ashyq ótkizi­lýine baǵyttalmaq. Fılıal hatshy­sy Nıkolaı Vy­ho­des saıası naýqan­nyń eldi bu­rynǵydan góri de yn­tymaq­tas­tyra túsetinin má­lim­dep otyr. Ol mundaı balamaly saı­laý­dyń elimizdegi demokratııa­nyń jar­­qyn kórinisi ekenin atap ótti. Satybaldy SÁÝIRBAI, Aqtóbe oblysy.