Jan jańǵyryǵy

Almaty qalasyndaǵy Dostyq úıinde Parlament Májilisiniń depýtaty, Qazaqstan halqy Assambleıasy Keńesiniń múshesi, Respýblıkalyq Uıǵyr etnomádenı birlestiginiń tóraǵasy Shaımardan Nurymovtyń «Qálbım sadası» («Eho dýshı») atty kitabynyń tusaýkeseri bolyp ótti. Oǵan depýtattyń áriptesteri, qoǵam qaıratkerleri, qoǵamdyq birlestikter ókilderi, ǵalymdar, aqyn-jazýshylar jáne basqa da zııaly qaýym ókilderi qatysty. Saltanatty sharanyń modera­tory – respýblıkalyq qoǵamdyq-saıası «Ýıǵýr avazı» gazetiniń bas redaktory, Qazaqstan halqy Assam­bleıasynyń múshesi Ershat As­matov jınalǵan qaýymdy Tá­ý­el­sizdigimizdiń 25 jyldyǵyna ar­nal­ǵan bul sharanyń  negizgi keıip­keri, kitap  jáne onyń avtory jaı­ly qysqasha túsinikteme berdi. Alǵash­qy quttyqtaý sóz sóılegen Qazaqstan halqy Assambleıasy Tó­ra­ǵa­synyń orynbasary Leonıd Pı­to­lenko aldymen kóp ultty eli­­miz­degi eń negizgi baılyq –ult­­ara­lyq tatýlyq ekendigin aı­ta­ kelip, sonyń ishindegi uıǵyr ultynyń ókili, belgili tulǵa Shaı­mar­dan Úseınulyn jańa kita­bynyń shyǵýymen shyn júrekten quttyqtady. Sodan keıin sóz alǵan Parla­me­nt Májilisiniń  depýtaty Ah­met Muradov, respýblıkalyq «Nur­ Otan» partııasy Saıası keńesi­­niń jáne Almaty qalalyq Qoǵam­dyq keńes múshesi, Qazaqstan hal­qy Assambleıasynyń múshesi Ahmet­jan Shardınov, Almaty qalalyq máslıhatynyń depýtaty Shavket Omarov, Qazaqstan Jazýshylar odaǵy uıǵyr ádebıeti keńesiniń tóraǵasy, Qazaqstannyń eńbek sińirgen qaıratkeri, halyqaralyq Alash syılyǵynyń laýreaty, jazý­shy-dramatýrg Ahmetjan Ashırı, mádenıettanýshy, belgili qoǵam  qaıratkeri Murat Áýe­zov, respýblıkalyq koreı teatr­y­nyń dırektory, Qazaqstan hal­qy Assambleıasynyń múshesi Lıýbov Nı, Qyrǵyzstan halqy Assambleıasynyń múshesi Artyq Hadjıev, taǵy basqa da zııaly qaýym ókilderi Shaımardan Úseınulynyń qoǵamdyq jáne shyǵarmashylyq jumysyna joǵary baǵasyn berýmen birge, aldaǵy jumystaryna tabys tiledi. Osy jerde aıta ketetin jaıt, Shaımardan Nurymov – Qazaq­stannyń naǵyz patrıoty. Ol búkil ómirin memleket  qaýipsizdigine, onda­ǵy ulttar dostyǵy men ult­aralyq kelisimdi nyǵaıtýǵa, kóp ­ult­ty elimizdiń  damýyna, óz hal­qy­nyń ádet-ǵurpyn, máde­nıet­in saqtap, damytýǵa arnap keledi. Depýtattyń kita­bynda, mine, osy máselelerdiń bári qamtylǵan. Tusaýkeser sońynda sóz sóı­le­gen Shaımardan Nurymov osy shara­ny uıymdastyrýshylarǵa, jy­ly lebizderin bildirgen barlyq qo­naq­tarǵa sheksiz alǵysyn jet­kizdi. Shamshıdın AIýPOV   ALMATY