Ekologııany saýyqtyrý – ýaqyt talaby

Bıylǵy jyly el Táýel­­­sizdiginiń 20 jyl­dy­ǵy­men birge,  Semeı atom polı­go­nynyń jabylǵanyna da jıyr­ma jyl tolmaq. Bul – egemen el ómi­rindegi asa eleýli oqıǵalardyń biri. Biraq, ókinishke qaraı, osy másele áli de jerine jetkizip jazylmaı da, nasıhattalmaı da kele jatqan tárizdi. Al ekologııa máselesi qazirde álemdik máselege aınalyp otyr­ǵa­nyn kim joqqa shyǵara alady? Sondyqtan polıgon jabyl­ǵa­n­men, onyń zardaptary áli de to­lyq­taı joıylyp bolǵan joq. Oǵan Aral qasiretin qosyńyz. Ony aıtpaǵan­da, Sorbulaqtyń ózi sorymyzdy qaınatpasyna kim kepil? Mine, bú­ginde prezıdenttikten úmitkerlerdiń biri Mels Eleýsizov sondaı eko­logııa máse­le­leri­men túbe­geıli túr­de aı­na­l­ysyp kele jat­qandardyń biri ǵana emes, biregeıi bolyp ta­­­bylady. Ol ót­­­ken jolǵy saı­laýda da pre­zı­denttikke óz kan­dı­da­tý­ra­syn usynǵan bo­la­tyn. Bi­reýlerdiń onyń bul tirligin túsin­beı qalýy da múmkin. Al óz basym muny túsinbeýdiń esh jóni joq dep bilemin. Múmkin, meniń zamanda­sym Mels osy áreketi arqyly jurtshylyqtyń kóńilin jahan­dyq máselege aýdartqysy keletin shyǵar. Endeshe, Jer-Anany ardaqtaı bileıik degen onyń talap, talpynysynyń nesi sóket? Sondyqtan men óz quqymdy paıdalana otyryp, qazaq­stan­dyq­tar­dy aldaǵy saılaýda Mels Eleý­sizovtiń kandıdatýrasyn jaq­tap daýys berýge shaqy­ra­myn. Qalaı bolǵanda da, ekolo­gııa­lyq apattan aldyn-ala saq­tanbasaq bolmaıdy. Aıdos MAILYBAEV, tabıǵat janashyry. Semeı.