Armanym – Sochıde altyn alý

Azıadada eki altyn alǵan talantty frıstaılshy Iýlııa Galysheva О́mir jalǵan degen ras eken. Iýlııanyń ákesi Evgenıı Galyshev qyzyn erekshe jaqsy kóretin. Bir úıdiń jalǵyz balasy bolǵan soń ata-anasy onyń betinen qaqpaı, erkeletip ósirdi. Elgezek qyz alty jasynda bı úıirmesine ba­ryp, ony unatpaǵan soń sol kezderi О́skemennen 9 shaqyrym jerdegi endi ǵana uıymdastyrylǵan frıstaıl seksııasyna qatysty. Al­ǵashqy bapkeri Anna Korny­sheva tobyqtaı qyzǵa erinbeı-ja­lyqbaı mogýldyń qyr-syryn úırete bastady. Amal bar ma, eki jyldan keıin alǵashqy bapkeri tur­mysqa shyǵyp, Germanııaǵa qo­nys aýdardy. Biraq keterinde da­ryndy balalarǵa arnalǵan sport mektebiniń bapkeri Vıktor Le­meshkoǵa tapsyryp ketti. Ákesi Evgenıı Aleksandrovıch pen anasy Svetlana Gennadevna qyzdarynyń taýdaı talabyna súısinip, kezek-kezek jat­tyǵýlarǵa aparyp júrdi. 2003 jyly Reseıdiń Sankt-Peterbýrg qalasynda kórshi memlekettiń ký­bogy jarysyna Iý. Galysheva da qatysty. Nebári 11 jasar talap­ty qyz aıdy aspanǵa shyǵaryp, Kýbok chempıony atandy. Arada úsh jyldan keıin ol elimiz birinshiliginde kúmis alqany ıelenip, sport sheberi normasyn oryn­da­dy. Frıstaıldyń mogýl túriniń erekshelikteri men qıyndyqtary kóp. Kedir-budyr taýdan tómen qaraı quldyraǵanda, burylys­tar­da sál qatelik jiberseń, qula­ǵanyńdy ańǵarmaı da qalasyń. Sondyqtan óner kórseter kezde erek­she saq bolý kerek. Jat­tyǵýlar kezinde mundaı sátsiz­dikter talaı ret bolǵan. 2007 jyly nebári 15 jasynda álem chempıonatyna qatysyp, tájirı­besin ushtaı tústi. Sol joly alǵashqy altylyqqa ilinbese de qaısar qyzdyń bolashaǵynan kóp úmit kútken edi jerlesteri. Tipti altynshy synypqa deıin №7-shi mektepte oqyp júrgen kezdiń ózinde ustazdar Iýlııanyń jarys­taryna qatysyp, oǵan jankúıer bolǵan. Sol jyly QR chempıony jáne qola alqany ıelengeni bar. Til aýzymyz tasqa, budan keıin Iýlııanyń jeńisti sátteri jalǵasyp, Eýropanyń sańlaqta­ry­men terezesi teń óner kór­setken kúnder bastaldy. 2008 jyly Eýropanyń eki dúrkin chem­pıony atanyp, halyqaralyq dá­rejedegi sport sheberi norma­syn oryndady. 2009 jyly Japonııada ótken álem chempıonatyna qa­tysyp, medal ala almasa da bapkerlerdiń kózine ilikti. Birlesip óner kórsetýde álem chempı­ony atandy. HHI Qysqy Aq Olımpıadanyń Vankýver qa­la­syn­da ótkeni belgili. Alǵashqy Olımpıadasy bolǵan soń qo­baljyǵany ras. Átteń, sol óki­nishti sátti umyta almaıdy. Tó­men qaraı quldyraý kezinde sál qatelik jiberip aldy da, qatań tóreshiler 11-shi orynǵa biraq syrǵytyp jiberdi. Tóreshiler ta­rapynan budan buryndary da qııanat shekken, osy jolǵy ádi­letsizdigi namysyna qatty tıdi. Tipti mogýldy tastaımyn degen kezinde áriptesteri sabyrǵa sha­qyryp, jeńisti kúnderiń áli alda degen. Ras eken, ótken jyldyń 15-shi jeltoqsanynda Fran­sııa­nyń Merıbel qalasynda frıstaılden Álem Kýbogynyń kezekti jarysy ótti. Qazaqstannan bar­ǵan qaısar qyz eýropalyq­tardyń bárin tańǵaldyryp, mogýlda bu­rynǵy chempıondardy shań qap­tyryp, altynnan alqa taqty. Bul qazaq eliniń osy sport salasynda tuńǵysh altyn alqasy. Mine, biz Iýlııanyń anasy Svetlana Galyshevanyń jupyny úıinde otyrmyz. Ol ata-anasymen birge turady eken. Nemereleriniń Azıadanyń qos dúrkin chempıon bolǵanyna qarııa­lar qýanyshty, aqjarqyn qarsy aldy. – Iýlııa alǵan betinen qaıtpaıtyn, ójet ári qy­ńyr minezdi bolyp ósti. Frıstaıl dese ishken asyn jerge qoıatyn. Aqyry armanyna jetip, chempıon atandy. Al meniń armanym – jalǵyz qyzym úsh jyldan keıin Sochıde ótetin Qysqy Olımpııa oıyn­darynda altynnan alqa taqsa deı­min. Ákesi de Iýlııanyń Olımp shyńyna shyqqanyn armandap ketti. Qazir Iýlııamyz Al­matydaǵy Týrızm jáne sport akademııasynyń birinshi kýrs stýdenti. О́zi kúni keshe Almatyǵa oqýyn jalǵastyrýǵa ketti. Ol jaqta barlyq jaǵdaı jasalǵan. Aıtpaqshy, oblys ákimi Berdibek Saparbaevqa analyq alǵysymdy jetkizgim keledi. Ol 7 qań­tarda Azıadadan jeńispen oral­ǵan Shyǵystyń shymyr ul-qyz­daryna erekshe qurmet kórset­ti. Áýejaıda da, Respýblıka ala­ńynda da myńdaǵan jan­kúıer, mek­tep oqýshylary jınaldy. Ataq­ty shańǵyshylar A. Poltoranın, O. Iаskaıa, E. Kolomına jáne meniń qyzyma qalyń jurtshy­lyq­tyń al­dynda sheteldiń tórt kóligin saltanatty jaǵdaıda ta­bys­tady. Menińshe, munyń tár­bıe­lik jaǵyna nazar aý­darǵan jón. Sol keshke jınal­ǵan mektep oqýshy­la­ry Azııa sańlaqtarymen es­kertkish sýretke tústi. Shirkin, bizder de chem­pıon ata­nyp, Qazaq eli­niń kók­baı­raǵyn álemdik ja­rystarda jelbirete bersek, abyroıǵa bólensek degen oıǵa batty. Eń bastysy, 18-ge endi tol­ǵan qyzymnyń abyroıy asqaqtap, táýelsiz­diktiń 20 jyldyǵyna tartý jasaǵan er­ligi úshin dán rı­zamyn, dep aǵynan jaryldy chempıon­nyń anasy. V. Smırnovtyń sonaý 1994 jylǵy altyn alqasy­nan keıin Olımpıadada bıik tuǵyrdan kórine almaı júr­genimiz ókinishti-aq. Nesi bar, sol ókinishtiń ornyn Iýlııa qyzymyz toltyrar. Ońdasyn ELÝBAI, О́skemen.