Qazaqstan Respýblıkasy Úkimetiniń qaýlysy №85

2011 jylǵy 7 aqpan                          №85                       Astana, Úkimet Úıi «Qazaqstan Respýblıkasyndaǵy keden isi týraly» Qazaqstan Respýblıkasynyń Kodeksinde kózdelgen qujattar men málimetterdi usyný úshin deklaranttar nemese keden isi salasyndaǵy qyzmetti júzege asyratyn tulǵalar paıdalanatyn baǵdarlamalyq ónimderge qoıylatyn talaptardy bekitý týraly «Qazaqstan Respýblıkasyndaǵy keden isi týraly» Qazaqstan Respýblıkasynyń 2010 jylǵy 30 shildedegi Kodeksiniń 68-babynyń 1-tarmaǵyna sáıkes Qazaqstan Respýblıkasynyń Úkimeti qaýly etedi: 1. Qosa berilip otyrǵan «Qazaqstan Respýblıkasyndaǵy keden isi týraly» Qazaqstan Respýblıkasynyń Kodeksinde kózdelgen qujattar men málimetterdi usyný úshin deklaranttar nemese keden isi salasyndaǵy qyzmetti júzege asyratyn tulǵalar paıdalanatyn baǵdarlamalyq ónimderge qoıylatyn talaptar bekitilsin. 2. Osy qaýly alǵashqy resmı jarııalanǵan kúninen bastap qoldanysqa engiziledi. Qazaqstan Respýblıkasynyń Premer-Mınıstri K.MÁSIMOV.   Qazaqstan Respýblıkasy Úkimetiniń 2011 jylǵy 7 aqpandaǵy № 85 qaýlysymen bekitilgen

«Qazaqstan Respýblıkasyndaǵy keden isi týraly» Qazaqstan Respýblıkasynyń Kodeksinde kózdelgen qujattar men málimetterdi usyný úshin deklaranttar nemese keden isi salasyndaǵy qyzmetti júzege asyratyn tulǵalar paıdalanatyn baǵdarlamalyq ónimderge qoıylatyn talaptar

«Qazaqstan Respýblıkasyndaǵy keden isi týraly» Qazaqstan Respýblıkasynyń Kodeksinde kózdelgen qujattar men málimetterdi usyný úshin deklaranttar nemese keden isi salasyndaǵy qyzmetti júzege asyratyn tulǵalar paıdalanatyn baǵdarlamalyq ónim: Keden odaǵynyń keden zańnamasyna (Keden odaǵy komıssııasynyń sheshimderi ne Keden odaǵyna múshe memleketterdiń kelisimderi) sáıkes belgilengen kedendik qujattardy toltyrýdyń formattyq-logıkalyq baqylaýdy qamtýǵa; keden isi salasyndaǵy ýákiletti organnyń ınternet-resýrsynda, veb-portalynda ornalastyrylatyn elektrondyq anyqtamalardan jáne jikteýishterden jańartylatyn normatıvtik-anyqtamalyq aqparatty qamtýǵa; Keden odaǵynyń keden zańnamasyna (Keden odaǵy komıssııasynyń sheshimderi ne Keden odaǵyna múshe memleketterdiń kelisimderi) sáıkes belgilengen kedendik qujattardyń elektrondyq kóshirmeleriniń qurylymy men formatyn qamtýǵa; Qazaqstan Respýblıkasynyń qoldanystaǵy zańnamasyna sáıkes aqparattyq qaýipsizdik talaptaryna jáne Qazaqstan Respýblıkasynyń aýmaǵynda qabyldanǵan standarttarǵa sáıkes bolýǵa tıis.