Astanadaǵy Ortalyq kommýnıkasııalar qyzmetinde «Jańa Jibek joly-2017» halyqaralyq ekspedısııasynyń bastalýyna arnalǵan baspasóz konferensııasy ótti. Oǵan jobanyń avtory, belgili polıak reporter-zertteýshisi Iаpek Palkevıch jáne Polsha Respýblıkasynyń Qazaqstandaǵy elshiliginiń úshinshi hatshysy Andjeı Bober qatysty.
Iаsek Palkevıch ekspedısııanyń daıyndyq barysy týraly aqparat berdi. Onyń aıtýy boıynsha, jobanyń negizgi maqsaty eski kontınent boıynsha Qytaı men Ortalyq Azııa elderin aldaǵy ýaqytta qosatyn ekonomıkalyq beldeýdi, kóliktik-kommýnıkasııalyq jelilerdi qurý bolyp tabylady.
«Joba – eń aldymen qoǵamdyq baılanysty, ózara túsinistikti jáne halyqtar arasyndaǵy dostyqty nyǵaıtýǵa shaqyrady. Kóne jol barlyq aımaqtardaǵy saýda, mádenıet jáne saıasat salasyndaǵy joǵary áleýettiń sımvoly bolýy múmkin», – dedi ol.
Ekspedısııa Qytaıda bastalyp, Qyrǵyzstan, О́zbekstan, Qazaqstan, Reseı jáne Belorýsııa aýmaqtarynan ótedi, sóıtip Polshada aıaqtalady. Qatysýshylar alpys kún ishinde on myńnan asa shaqyrymdy eńseredi dep josparlanýda.
Iаsek Palkevıch Uly Jibek joly boıynda ornalasqan Qazaqstannyń elder arasyndaǵy saýda jáne mádenıet salasyndaǵy baılanys pen kommýnıkasııany damytýda úlken mańyzǵa ıe ekenin atap ótti.
Aıdar О́risbaev,
"Egemen Qazaqstan".