2008
* 8 tamyzda Elbasy Nursultan Nazarbaev QHR astanasy Beıjińde ótken HHIH jazǵy Olımpııa oıyndarynyń saltanatty ashylýyna qatysty. Tórt jyldyqtyń eń basty sporttyq jarysynyń resmı ashylý saltanatyna álemniń 80-nen astam elinen memleket jáne úkimet basshylary keldi. Osy Olımpııa oıyndarynda qazaqstandyq sportshylar sporttyń 6 túrinen 13 medal ıelendi.
* 13 tamyzda Elbasy Nursultan Nazarbaev Qyrǵyzstannyń Sholpan-Ata qalasynda osy eldiń Prezıdenti Qurmanbek Bakıevpen kezdesti.
* 25 tamyzda Azııadaǵy ózara is-qımyl jáne senim sharalary jónindegi keńestiń Syrtqy ister mınıstrleri keńesiniń III otyrysy ótti. Alqaly jıyn Elbasy Nursultan Nazarbaevtyń kirispe sózimen ashyldy. Bul týraly «Egemen Qazaqstan» gazetiniń 26 tamyz kúngi nómirinde «Nursultan Nazarbaev: Syrtqy saıasattaǵy jalǵyz durys qaǵıda – tózimdilik pen jaýapkershilik, únqatysý» taqyrybymen maqala jarııalandy.
* 28 tamyzda Tájikstan astanasy Dýshanbede Shanhaı yntymaqtastyq uıymyna múshe-elder basshylarynyń sammıti ótti. Otyrysta Qazaqstan Prezıdenti Nursultan Nazarbaev sóz sóıledi. Memleket basshysy uıymnyń damý qarqynyna jáne alǵa qoıylǵan mindetterdiń sheshilý barysyna qanaǵattanatyndyǵyn bildirdi. Sonymen birge, Nursultan Nazarbaev qaýipsizdik pen turaqty damýǵa qater tóndiretin birqatar máselelerdi atap kórsetti.
* 3 qyrkúıekte Elbasy Nursultan Nazarbaev memlekettik saparmen elimizge kelgen Germanııa Federatıvtik Respýblıkasynyń Federaldyq Prezıdenti Horst Kelermen kezdesti. Prezıdentter saıası, saýda-ekonomıkalyq jáne mádenı-gýmanıtarlyq salalar boıynsha ekijaqty kelissózder júrgizdi.
* 5 qyrkúıekte Memleket basshysy Nursultan Nazarbaev Máskeý qalasynda bolyp, Ujymdyq qaýipsizdik sharty uıymynyń (UQShU) otyrysyna qatysty.
* 22 qyrkúıekte Aqtóbe qalasynda Elbasy Nursultan Nazarbaev pen Reseı Prezıdenti Dmıtrıı Medvedevtiń qatysýymen eki eldiń shekaralas óńirleri basshylarynyń V forýmy ótti.
* 5 qazanda Amerıka Qurama Shtattarynyń Memlekettik hatshysy Kondolıza Raıs Qazaqstanǵa bir kúndik, ıaǵnı qysqa merzimdi resmı saparmen keldi. Elbasy Nursultan Nazarbaev AQSh Memlekettik hatshysymen Aqordada kezdesip, kelissóz júrgizdi. Taraptar halyqaralyq, aımaqtyq máselelerdi talqylady. Kezdesýde Qazaqstan-AQSh qatynastary kópsalaly ekeni, arada eshqandaı túsinbeýshilik joq ekeni sóz boldy.
* 10 qazanda Elbasy Nursultan Nazarbaev Bishkekte ótken TMD-ǵa múshe-memleketter basshylary keńesiniń kezekti otyrysyna, sondaı-aq, EýrAzEQ memleketaralyq keńesi jáne Ortalyq Azııa memleketteri basshylarynyń kezdesýine qatysty. Sammıt qorytyndysy boıynsha birqatar mańyzdy qujattar qabyldandy. Olardyń arasynda Dostastyqtyń aımaq-aralyq jáne shekara yntymaqtastyǵy jónindegi keńesi týraly kelisim, esirtki zattarymen, psıhotroptyq zattarmen jáne olardyń prekýrsorlarymen kúresýdegi yntymaqtastyqty jandandyrý týraly Birlesken málimdeme de bar.
* 13 qazanda Prezıdent N.Á.Nazarbaevtyń Jarlyǵymen «Qazyna» turaqty damý qory men «Samuryq» memlekettik aktıvterdi basqarý holdıngi biriktirilip, «Samuryq-Qazyna» ulttyq ál-aýqat qory quryldy.
* 14 qazanda Memleket basshysy Nursultan Nazarbaev elimizde alǵash ret qazirgi zamanǵy tehnologııalar kómegimen salynǵan Astana-Shýche avtobanynyń ashylý rásimine qatysty.
* 31 qazanda Elbasy Nursultan Nazarbaev Qytaı Halyq Respýblıkasy Memlekettik Keńesiniń Premeri Ven Szıabaony qabyldady. Taraptar saıası, ekonomıkalyq jáne gýmanıtarlyq salalardaǵy yntymaqtastyqtyń keń aýqymdy máselelerin talqylady.
* 6 qarashada Astanada «Nur Otan» partııasynyń bastamashylyǵymen jemqorlyqqa qarsy kúres jónindegi forým bolyp ótti. Forýmda Qazaqstan Respýblıkasynyń Prezıdenti Nursultan Nazarbaev sóz sóıledi. Forýmda Elbasy: «Jemqorlyq – memlekettiń, qoǵamnyń damýyna tejeý bolatyn, bolashaǵyna kesirin tıgizetin indet», – dep atap kórsetti. Bul týraly «Egemen Qazaqstan» gazetiniń 7 qarasha kúngi nómirinde «Bul – namystyń isi» taqyrybymen maqala jaryq kórdi.
* 21 qarashada Aqordada Memleket basshysy Nursultan Nazarbaevtyń tóraǵalyǵymen Prezıdent janyndaǵy Ulttyq ınvestorlar keńesiniń alǵashqy plenarlyq otyrysy ótti. Jıynda memleket pen bıznestiń birlesýi nátıjesinde qarjy daǵdarysynan shyǵýǵa baılanysty ózekti máseleler talqylandy.
* 2 jeltoqsanda 2009-2011 jyldarǵa arnalǵan «Nurly kósh» baǵdarlamasy Úkimet qaýlysymen bekitildi.
* 10 jeltoqsanda Prezıdent Nursultan Nazarbaev «Qazaqstan Respýblıkasynyń Salyq jáne bıýdjetke tólenetin basqa da mindetti tólemder týraly (Salyq kodeksi)» Kodeksine qol qoıdy.
* 15 jeltoqsanda Elbasy Nursultan Nazarbaev Táýelsizdik saraıynda el Táýelsizdiginiń 17-shi jyldyǵyna baılanysty ótkizilgen saltanatty jıynda sóz sóıledi. «Biz búgin Táýelsizdik merekesin tuńǵysh ret Astananyń elordalyq sıpatyn asha túsetin asa aıshyqty nysan – Táýelsizdik saraıynda qarsy alyp otyrmyz. «Qazaq Eli» memorıaldyq keshenin, Beıbitshilik pen kelisim saraıyn jáne Táýelsizdik saraıyn búgingi Qazaqstannyń ajyramas eń qasterli úshtaǵan sımvoldyq belgisi dep aıtýǵa bolady. Elordanyń bul jańa nysandary – babalarymyz bizge amanat etip qaldyrǵan qasıetti atamekenge, búginde 130-dan astam ult pen ulystyń ókili tatý-tátti ǵumyr keship, halyqtar dostyǵy, beıbitshilik pen kelisimdi tý etken Otanymyzǵa degen ortaq taǵzym men qurmetti bildiredi», – dedi óz sózinde Elbasy Nursultan Nazarbaev.
* 25 jeltoqsanda Prezıdent Nursultan Nazarbaev «Qazaqstan Respýblıkasynyń Básekelestik týraly» Zańyna qol qoıdy.
* 29 jeltoqsanda Elbasy Nursultan Nazarbaev 2008 jyldy qorytyndylap, elimizdiń jetekshi BAQ basshylaryna suhbat berdi. Áńgime barysynda Prezıdent 2008 jyldyń qaýyrt sharýalarǵa toly bolǵanyn, qolǵa alynǵan sharalar elimizdiń daǵdarys saldaryn sátti eńserýge septigin tıgizgenin aıtyp, oǵan naqty mysaldar keltirdi.