Ornyqty damý maqsattary tanystyryldy

Parlament Senatynda Birikken Ulttar Uıymynda 2030 jylǵa deıingi Jahandyq kún tártibi retinde qabyldanǵan Ornyqty damý maqsattary (ODM) tanystyryldy. BUU-ǵa qatysýshy memleketter 2015 jylǵy qyrkúıekte qabyldaǵan 17 maqsat kedeılikti joıýǵa, jer júzindegi resýrstardy saqtaýǵa jáne barshanyń teńdigi men ıgiligin qamtamasyz etýge baǵyttalyp otyr. Ornyqty damý maqsattaryn iske asyrýdy damytýǵa arnalǵan keshen­di qadamdardy, kedeılik pen teńsiz­diktiń túpki sebepterin joıýdy kóz­­deıdi. Osy oraıda, sharany asha kelip, Senattyń Halyqaralyq qaty­­nastar, qorǵanys jáne qaýip­siz­dik komıtetiniń tóraıymy Da­rı­ǵa Nazarbaeva Ornyqty damý maq­sat­­tarynyń bári qamtylatynyn jáne órshil baǵdarlamalaryn iske asy­­rýda ulttyq úkimetterge negizgi jaý­ap­kershilik júkteletinin atap ótti. Senatordyń aıtýynsha, bizdiń elimiz BUU bastamalaryn iske asyrýǵa belsendi qatysyp keledi jáne 2017 jyly BUU Qaýipsizdik Keńesiniń Turaqty emes múshesi bolý qurmetine ıe boldy. Bizdiń elimizde qabyldanǵan ulttyq strategııalyq qujattar men salalyq memlekettik baǵdarlamalar Ornyqty damý maqsattaryna úndes bolyp otyr. Bes ınstıtýttyq reformany iske asyrý jónindegi «100 naqty qadam» Ult jospary Ornyqty damý maqsattaryn tabysty júzege asyrýǵa eleýli tetikter usynady», dep atap ótti D.Nazarbaeva. Onyń sózinde aldaǵy «Bo­la­shaq­tyń energııasy» taqyrybymen Astanada ótetin EKSPO-2017 halyqaralyq kórmesinde ekolo­gııa­lyq maqsattardy ilgeriletýdiń mańyzdy róli atap ótildi. «Bizdiń respýblıkamyzdyń jetistikteri jáne jańa mindetter qoıý deń­geıi El­basynyń Qazaqstandy damy­­tý­daǵy alysty boljaǵan strate­­gııalyq oılaryn kórsetedi. Qazir­gi zamandaǵy Qazaqstan Ornyq­ty damý maqsattaryna qol jetki­zýde kósh­basshy bolýǵa daıyn jáne aı­maqtaǵy elder úshin ónege retin­de qyzmet etedi», dedi D.Nazar­baeva. BUU Damý baǵdarlamasynyń Turaqty ókili – BUU Turaqty úılestirýshisi Norımasa Shımamýra par­la­mentshilerge quttyqtaý sóz ar­nady. Onyń aıtýynsha, Ornyq­ty damýdyń aýqymy boıynsha bári qam­ty­latyn jáne órshil maqsat­taryna qol jetkizý barlyq múddeli tarap­tardyń tyǵyz áriptestigi jaǵ­daıynda ǵana qol jetkizýge bolady. Al Syrtqy ister mınıstriniń orynbasary Erjan Ashyqbaev Qazaqstanda ODM-ny iske asyrý barysy týraly senatorlardy habardar etti. Tanystyrylymǵa qatysýshylar Senat depýtattary Birǵanym Áıtimova, Aqan Bıjanov, Geogrıı Kım jáne Darhan Káletaevtyń qoıǵan saýaldaryna jaýap berdi. Shara qorytyndysy boıynsha se­na­torlar Ornyqty damý qaǵı­dat­taryn ilgeriletý qajettigi jáne Ornyqty damý maqsattaryn iske asy­rýǵa qolaıly jaǵdaı qalyp­tastyrý úshin qoldanystaǵy zańna­maǵa ODM-ny kiriktirýge járdem­desý atap ótilgen málimdeme qabyl­dady. Málimdemede ODM-ǵa qol jetkizý Qazaqstannyń halyqtyń ál-aýqatyn jaqsartýǵa jáne álemdegi básekege eń qabiletti 30 eldiń qataryna enýine múmkindik beretini aıtylady, dep habarlady Senattyń baspasóz qyzmeti.