Búgin Parlament palatalarynyń birlesken otyrysynda «Táýelsizdiktiń 25 jyldyǵy Qazaqstan jetistikteriniń deklarasııasy» jobasy jarııa etildi.
«Qazaqstan Respýblıkasy Táýelsizdiginiń 25 jyldyǵy deklarasııasy óte mańyzdy tarıhı kezeńge arnalǵan qujat. Osy ýaqyttyń ishinde barlyq jetistikter men tabystar eń aldymen, Tuńǵysh Prezıdentimiz, Elbasymyz Nursultan Ábishuly Nazarbaevtyń eren eńbeginiń jemisi. Sonymen birge árqashan da Prezıdentimizge qoldaý kórsetip, tirek bolyp kele jatqan halqymyzdyń bereke-birliginiń nátıjesi. Sondyqtan Parlamentte osy tarıhı qujatty qarastyrý - ol kele jatqan Táýelsizdik mereıtoıynyń erekshe mańyzdylyǵyn kórsetedi», dedi QR Parlamenti Májilisiniń tóraǵasy Nurlan Nyǵmatýlın. Atalǵan qujattyń jobasyn Májilis depýtaty Qýanysh Sultanov tanystyrdy.
Birlesken otyrysqa Premer-Mınıstr Baqytjan Saǵyntaev, QR Memlekettik hatshysy Gúlshara Ábdiqalyqova, QR Prezıdenti Ákimshiliginiń basshysy Ádilbek Jaqsybekov, sondaı-aq Konstıtýsııalyq keńestiń, Joǵarǵy sottyń jáne Ortalyq saılaý komıssııasynyń tóraǵalary, Úkimet músheleri, Respýblıka Prezıdentine tikeleı baǵynatyn jáne esep beretin memlekettik organdardyń basshylary, Parlament palatalary apparattarynyń jaýapty qyzmetkerleri qatysty.
Dınara Bitikova,
"Egemen Qazaqstan".