Saýda-ekonomıkalyq, ǵylymı-tehnıkalyq jáne mádenı yntymaqtastyq jónindegi Qazaqstan-Brıtan úkimetaralyq komıssııasynyń otyrysy aıasynda Qyzylorda oblysynyń ákimi Qyrymbek Kósherbaev «Independent Power Corporation» kompanııasynyń dırektory Pıter Erlmen kelissózder júrgizdi, dep habarlaıdy Qyzylorda oblysy ákiminiń baspasóz qyzmeti.
Oblys ákiminiń IPC basshylyǵymen kezdesýi barysynda Qyzylorda oblysyndaǵy qýattylyǵy 50 (Qyzylorda qalasy) jáne 30 mVt (Áıteke bı kenti) eki gaz týrbınalyq stansııasynyń qurylysy týraly máseleler talqylandy.
Kompanııa EQDB-nyń menshikti jáne tartylǵan qarajaty esebinen jobany qarjylandyrýǵa daıyn ekendigin jetkizdi. Atalǵan nysannyń qurylysy Qazaqstan Respýblıkasynyń biryńǵaı energojúıesiniń ońtústik aımaǵyndaǵy qýatty retteý arqyly senimdi elektr júıesimen qamtamasyz etedi.
QR Prezıdenti Nursultan Ábishuly Nazarbaevtyń ótken jyly Ulybrıtanııaǵa resmı sapary barysynda brıtandyq «Independent Power Corporation» kompanııasy men Qazaqstannyń gaz jáne gazben jabdyqtaý salasyndaǵy ulttyq operatory «Qaz Trans Gaz» AQ arasynda ózara áriptestik týraly memorandýmǵa qol qoıylǵany belgili. Bul memorandým respýblıka boıynsha jalpy qýaty 1600 mVt gaz týrbınalyq elektr stansııalarynyń qurylysy máselelerin qarastyrady.